Îdiro ke AKP-MHP û ÎYÎ Partîye tifaqe kerda de, heme ci 170 sindoqî ameyî akerdene. 56 hezar 116 weçînitoxan  ra 46 hezar 43 weçînitoxan rayî xo şuxulnayî. Hûmara rayanê vîyartbaran 44 hezar 373 bîyî.

Goreyê nê netîceyî, Partîya Şaran Demokratîke (HDP) 22 hezar 228 rayî girewtî û bi nisbetê se ra 50.09 de bîye partîye yewine. Tifaqa AKP-MHP û ÎYÎ Partîye 20 hezar 716 rayî girewtî û nisbetê se ra 46.68  de mende.

Qezayanê Îdirî de zî Aralik de AKP, Karakoyûnlûyî de MHP, Tûzlûca de zî Partîya Saadetî ser kewtî.