Hemsereko Pêroyî yê HDPyî Mîthat Sancar, wekîlê HDPyî Merale Daniş Beştaş, Îmam Taşçier, Alîcan Onlu, Nusrettîn Maçîn, Nejdet Îpekyuz û temsîlkarê partîyanê kurdan New Garden Otêle de qezaya Yenîşehîrî ya Amedî de pîya roniştî.

Partî û kesê ke tewrê kombîyayîşî bîyî wina yê: Hemserekê KCDyî Bedran Ozturk, Hemserekê DBPyî Salîha Aydenîz û Keskîn Bayindir, Partîya Merdiman û Azadîye (PÎA), Partîya Komunîste ya Kurdîstanî (KKP), Platformê Demokratan ê Kurdan (PDK-Vakur), Partîya Demokrate ya Kurdîstanî ya Tirkîya (PDK-Tirkîya) û Partîya Azadîye.

Hemsereka DBPyî Aydenîze vat ke rîyê vîrusê Korona ra wextêkê dergî ra nata ê pîya nêniştbî ro la naye ra pey do zêdêr bêrê pêser. Aydenîze ard ziwan ke birê kombîyayîşî dima do rayaumûmîye reyde bêrê parekerdene.