Wendekara Unîversîteya Munzurî Gûlîstane Doku ya ke 5ê çelê de Dêrsim de vînî bîye hema zî aqibetê ci nîno zanayene.

Waye Aygul Doku mewkîyê Pirdê Dînarî cayê cigêrayîşê Gulîstanî de xebatan ca de teqîp kena. Parlamenterê Partîya Demokratîke ya Şaran (HDP) Alican Onlu waye Ayla Goku zîyaret kerd û vat ê do tim cayê înan de bê. Onluyî vat: ''Berpirsîyarî hema eşkerayîye nêkenê. Vîdeoya Gulîstane ke verê vînîbîyayîşê ci ameyo antene qey safî nêbeno. Qey awa awbendî kêm nêkenê ke cigêrayîşi hîra bêro kerdene. Heta vînayîşê Gulîstane ma do aqibetê aye bipersê.''

Hemsereka HDPyî ya Dêrsimî Nurşate Yeşîl zî ard ziwan ke heta vînayîşî ê do tim bibersê vajê Gulîstane Doku ça de ya?