Qîrayîşê Rûstem Cûdîyî bîyarê xo vîrî. her çi bi kelecanê Goranî dest pêkerd ke deyîra Bêrîtane vatêne. Heman kelecan û bawerîye dewam kenê.

Gerîla Cûdî Çekdar Cizîre ra ya. Gerîla Cûdî serra 2016î de wextê barbarîya dewleta tirke de keyeyê xo reyde Cûdî de ciwîyayêne. Gerîla Cûdî  bîye şahîdê zulmê dewlete. Verî ke deyîre vaja vînaye û vat: ''Mi na deyîre xoverdayoxanê Cizîre rê vat. Cizîre dişmenê xo hol şinasnena û ez zî zaliman hol şinasnena. Coka ma nêverdenê ke ma bikişê.'' Ê prosesî de Cûdî tewra gerîlayan bîye.

Wexto ke Cûdî ameye hetê mi qefilîyaye bîye. Her serê sibayî şina keşfî dişmen teqîb kena. Engişt û rîyê ci de herre esta. Mi rê vana: ''Ma se bikerê, şer o, normal o. Na pîsî nîya, herr a.'' Dûrbûnê ci milê ci de yo, destê ci de çeke. Ronişena û qala serebûtan kena. Dma ke enerjîya xo her kesî ra vila kena embazê ci vanê: ''Ti zanena vengê embaze Cûdî zaf weş o, wa hela deyîrêke vaja.'' 

A cinîya enerjîke şina herinda aye de yewa şermoke yena. 

Wexto ke deyîra xo vana ewnîyena derûdora xo ro. Pêro embazanê xo yê şehîdan bi deyîra xo yad kena û vana: ''Şima şîyî la ma do rêçê şima ser o dewam bikerê.'' Dima verar şîye pêro embazanê xo. Ewnîyayêne derûdora xo û embazê xo Mizgîne, Mazlûm Cûdî, Zenda, Xebat, Peymane, Serdar, Reşat, Evîne, Zeynepe û Hozan yad kerdêne. 

Gerîla Cûdî Çekdar zanena ke xovîrakerdiş îxanet o. No cengo ke pê deyîran dest pêkerd pê deyîran dewam keno.