Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da û nê pare kerdî:

Merdîn û Heftanîn de hîrê leşkerî ameyî kiştene

''12ê nîsane de hêzanê ma çarçeweya Hemleya Şorişgêre ya Cengê Heftanînî de Qilê Konferansî de vera artêşa tirke çalakîyêke viraşte. Çalakîya sabotajî de leşkerekê dişmenî ame kiştene. Artêşa tirke ya îşxalkere herêma Bagokî yê Mêrdînî de damê kamareyan ronayî. 6ê nîsane de hêzanê ma çarçeweya  Hemleya Qesasî ya Şehîde Medya Mawa û Şehîd Rizgar Geverî de vera yewîya dişmenî ke damê ronayî çalakîya sabotajî viraşte. Netîceya çalakîye de 2 leşkerî ameyî kiştene û 2 zî birîndar bîyî. Yewîya ma  ya ke çalakîye viraşte weş û war resaye waranê barehî.

Hêrişê vera Zinê Wertê de 3 gerîlayî şehîd bîyî

15ê nîsane de artêşa tirke ya îşxalkerdene bi teyarayanê şerî hêrişê warê Zinê Wertê ya pabesteya Karoxî ya ke herêma Qendîlî ya Heramanê Pawitişî yê Medya de ya kerd. Nê hêrişî de hîrê embazê ma şehîd kewtî. Nameyê embazanê ma do pey ra rayapêroyî de  bêrê parekerdene. Eynî roje warê Kunişka ya Zapî ame bombardûmankerdene. Nê hêrişî de vînîbîyayeyê ma çîn ê.''