Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirkî de bi eşkerayîyêke nê pare kerdî:

Heftanîn

''Çarçeweya Hemleya Şorişgêre ya Cengê Heftanînî de hêzanê ma 5ê gulane de leşkerê ke Qilê Partîzanî de ameyî cakerdene vera înan çalakîyêke kerde. Çalakîya bitesîre de hûmara merde û birîndaran nêameye safîkerdene. 5 û 6ê gulane de waranê Heramanê Pawitişî yê Medya ra Heftanîn de warê Şehîd Kendalî û Qilê Qesrokê ameyî bombardûmankerdene. Nê hêrişan de vînîbîyayeyê ma çîn ê.

Colemêrg

Çarçeweya Hemleya Şorişgêre ya Şehdî Bager û Şehîde Ronya de hêzanê ma 6ê gulane de qezaya Çelê ya Colemêrgî de da dişmenî ro. Çalakîya ke Qilê Merganîş de ameye kerdene de mewzîyêk ame îmhakerdene û 2 leşkerî ameyî kiştene.

Şirnex

2ê gulane de artêşa tirke Waranê Kasaphane, Derîye Hirçê û Derîye Xendekê yê herêma Koyê Cûdîyî yê Şirnexî de operasyonêk da destpêkerdene. No operasyon 5ê gulane de destveng peyser ame antene. Çarçeweya Hemleya Qesasî yê Şehîde Medya Mawa û Şehîd Rizgar Geverî de  hêzanê ma vera îşxalkeran çalakîyî kerdî goreyê naye; 5ê gulane de qereqolo ke mabênê warê Dader û Siwaro yê herêma Koyê Cûdîyî yê Şirnexî de yo ame hedefgirewtene la hûmara merde û birîndaranê dişmenî nêameye zelalkerdene. Eynî roje de herêma Besta de nizdê dewa Osyan de vera artêşa tirke çalakîya sabotajî ameye kerdene 5 leşkerê tirkî ameyî kiştene. Badê çalakîye yewîyêka dişmenî ke semedê mudaxale ameye vera înan zî çalakîya sabotajî ameye kerdene û leşkerêk ame kiştene.

Agirî

Artêşa tirke wextêko rayîro mîyanneteweyî yo mabênê warê Gurbulakî yê Bazdîê Agirî de falîyetê dame rayra bena. Hêzanê ma çarçeweya Hemleya Şorişgêre ke saha de dewam kena de 5ê gulane de vera înan çalakîyêke kerde. Çalakîye de wesayîto zirxin bi temamî ame îmhakerdene û 15 leşkerî ameyî kiştene. Îşxalkeran badê çalakîye operasyon da destpêkerdene û pêkewtişê giranî ameyî ciwîyayene. 6ê gulane de embazê ma Azad, Pîro û Birîndar nê pêkewtişan de şehîd bîyî.

 Ma sere de keyeyê şehîdanê xo yê  qehremanan  Azad, Pîro û Birîndarî  rê heme şarê welatperwerî yê Kurdîstanî rê serweşîye wazenê û soz danê ke ma do têkoşînê şehîdan bi serkewtişî tacîdar bikerê.''

Zanayîşê derheqê nasnameyê gerîlayanê ke şehdî bîyî wina yê:

Nameyê Qodî: Azad Tatwan Name û Peyname: Nevzat Pirbudak Cayê Bîyayîşî: Bedlîs Maye-Pî: Dilşahe - Necmettin Tarîx û Cayê Şehadetî: 6ê Gulane 2020 / Agirî

Nameyê Qodî: Birîndar Maku Name û Peyname: Huseyin Abberim Cayê Bîyayîşî: Maku Maye-Pî: Mohabate - Elî Tarîx û Cayê Şehadetî: 6ê Gulane 2020 / Agirî

Nameyê Qodî: Pîro Serhad Name û Peyname: Ozer Inca Cayê Bîyayîşî: Qers Maye-Pî: Hanime - Halis Tarîx û Cayê Şehadetî: 6ê Gulane 2020 / Agirî