Merkezê Îrtîbat û Çapemenîye yê HPG’yî bi eşkerayîyêk derheqê çalakîyanê gerîlayan zanayîş da.

HPG’yî da zanayene ke hêzanê înan semedê yadkerdişê Berîtane (Gulnaz Karataşe) ya ke 25’ê Teşrîna Verêne de seba ke teslîmê hemkarîye mebe tewrê kerwanê şehîdanî bîye, çalakîyî viraştî û detayê ci pare kerdî:

''Heftanîn de çarçeweya Hemleya Cengê Heftanînî ya ke Wareyanê Pawitişî yê Medya dewam kena de çalakîyê ke ameyî viraştene wina yê;

19’ê Teşrîna Verêne hêzanê ma yê YJA Starî Qilê Konferansî de çalakîya sûîqestî viraşte, leşkerêk ame kiştene. 20 aşme de hêzanê ma yê YJA Starî Qilebanê Şirnexî de da îşxalkaran ro. Çalakîya ke vera leşker  kontroyanê ke mabenê herêma  Qilê Vacîp, Gelîya Pîsaxa, û Qilê Konferansî de ameyî cakerdene ameye viraştene de wesayîtêk ame îmhakerdene la hûmara kişte û birîndaran safî nêbe. Dimayê çalakîye kobra ke seba mudaxaleyî ame herême hetê hêzanê ma ra ame derbkerdene. 21’ê Terşrîna Verêne de  gerîlayanê YJA Starî mintiqaya Şehîd Şêxmûsî de çalakîyêk virşate, leşkerêk ame kiştene.

21’ê Teşrîna Verêne de Xakurkê de çarçeweya Hemleya Şorişgêre ya Şehîd Bager û Şehîde Ronya de hêzanê ma çalakîyî viraştî. Hêzanê ma yê YJA Starî Qilê Koordîne de da îşxalkaran ro. Çalakîya ke di hetan ra bitesîr ameye viraştene de 6 leşkerê dişmenî ameyî kiştene. Çalakîya bîne zî Qilê Şehîd Botanî de ameye viraştene û leşkerêk ame kiştene. Reyna Qilê Şehîd Derweş de vera leşkeranê Tirkî çalakîya sûîqestî ameye viraştene, 2 leşkerê dişmenî ameyî kiştene.‘‘