Heftanînî ra heta Cengê Botanî

Gerîla Sarya Botan wisarê tewr rindî yê Heftanînî ra şîye Cengê Botanî. Gerîlayanê tewr rindîan ê ke meydanê Cengê Heftanînî de yê wexto ke fotografê ci dî dest pê govend kerd. No govend dewa keno.

Tay gerîlayî estê ke wexto ke şima fotografêkê înan vînenê yan zî  fotografo ke şima girewt xo vînenê dest pê nuştişî kenê. Sarya Botan zî înan ra ya ke mi şehadetê aye ra dima fotografê aye dî. Sarya Botan 27ê hezîrane de şîye Cengê Botanî. 

Roja ke mi aye Heftanîn de nas kerde, vîrê mi de ya. Heftanîn pê huyayîşê cinîyan bibi pirr. Heftanîn berê cenganê Botanî yo. Mi kameraya xo akerde û heta ke Sarya hîş kerde mi dîmenê aye girewtî. Senî yew merdime hende enerjîk bena? Mengêke ez tesîrê aye de menda. 

Zaf areq vetbî la reyna zî goveng girewtêne. Wexto ke kamera a girewtêne hîna rind govend girewtêne. A serrgovend bîye. Sey Bêrîvana Cizîrîya ke Cizîre de bîye tersê zaliman, her kes heyranê Sarya mendêne.

Vat: ''Eke to rojêke ez televîzyon de dî govend bigêre.'' Mi fam nêkerd. Rîyê ci ra ke huyayêne şehadet nêkewtêne sereyê mi. Gerîla Sarya Botan her hetê nê erdî de şer kerd. Saraya zanayêne ke a pê şerkerdişî do biba temam û welatê xo bipawa. 

Xora ma zanayêne ke ma do tim kêm bibê, çewî ra do hes nêkerê, embazanê xo şer de vîn bikerê, îxanet cuya ma de çin bibo.

Sarya wisarê tewr rindî yê Heftanînî ra cîya bîye û şîye Cengê Botanî. Sarya vatêne: ''Xo vîrî ra mekere, eke ti fotografê mi bivînî dest pê govendî kenê.'' Têna ez nê pêro gerîlayan wexto ke fotografê aye dî dest pê govendî kerd. No govend heta ke berê Botanî Heftanînî ra îşxalkerî bêrê vetene do dewam bikero. Nika kamî eşkenê ke Heftanîn û Botan yewbînan ra cîya bikerê.