Hêlîne Murat dewa Harçikî ya Dêrsimî de dadîya xo ra bîya û tim kokiman ra goş da serebûtê Terteleyê Dêrsimî. Wexto ke a tewra gerîlayan bîye dergeqê Terteleyê Dêrsimî de wina vatbi: ''Prosesê Kurdîstanî ra cêrakerdişê Dêrsimî bi semedê destpêkerdişê prosesêkê zaf bitehlukeyî. Yeno vîrê mi ke vatişê Kurdîstanî seba ma têna Dêrsim bi. Ma hende raştîye ra dûrî kewtbî. Qirkerdişê Dêrsimî ra dima tersêko pîl vila bibi.

Yeno zanayene ke Rayberîye destpêkî ra girîngîye daye Dêrsimî ser. Eke Rayberî cira fek vera bidayêne Dêrsim bi temamî qedîyabi. Seba ke Terteleyê Dêrsimî bêro vîrakerdene sey her keyeyî keyeyê mi zî çi destê înan ra bêro kerdêne. Merdiman derheqê terteleyî de zaf qisey nêkerdêne.  Tersayêne ke domanî tesîrê ci de manenê û şinê koyan. La reyna zî derheqê Terteleyê Dêrsimî de zaf çîyî ameyêne eşnawitene. Vatişê qefle, 38, çeka girane, mîtralyoz, terteke mi qet xo vîrî ra nêkerdî.''

Komelo ke Hêlîne tede pîl bîya, seba ke nêzdîyê gerîlayan, tradîsyonê şorişgêrî û kulturê çepî bi, no tesîrê aye kerd. Lîse de a zî nêzdîyê sosyalîzm, kurdayetî, têkoşînî bîye. Hêlîne her ke kitabê Rayberîye wendî hende nêzdîyê têkoşînî bîye. Teda, ambargo, xizanî, vêşnayîşê dewe û daristanan, koçkerdişê şarî yê serra 1990an tesîrê Hêlîne kerd. Hêlîne serra 1997î de Romanya ra komêka embazanê xo reyde tewra têkoşînî bîye. A perwerdeyî ra dima serra 1999î de ameye koyan. Dîyayîşê Rayberê Şarê Kurdî Abdullah Ocalanî seba aye firsendêko pîl bi labelê rîyê komployê mîyanneteweyî ra nêeşkîya perwerdeyê xo temam bikera. Hêlîne Gare ra heta Cîlo, Metîna ra heta Xinêrî her warê Herêmanê Pawitişî yê Medya de tewrê têkoşînî bîye.

Nîsana 2017î de Herêmanê Pawitişî yê Medya de netîceya hêrişêkê hewayî de Nalîne Mûş reyde şehîd bîye. 

Duran Kalkanî wina qala Hêlîne keno: ''Ez tim kêfweş bîya ke mi a şinasnaya. A kesayetêka winasêne bîya ke tede cewhero tarîxî yê cinîya Dêrsimî estbi. Embaza Hêlîne berpirsîyar bîye, bidîsîplîn bîye, zerrînizm bîye. Rayber Apoyî seba Mazlûm Doganî vatêne 'mîrê hîşmendîye yê têgêrayîşê ma yo.' Embaze Hêlîne zî xera Mazlûmî de bîye. A mîrê hîşmendî û ruhê têgêrayîşê ma yê azadîye bîye. Aye tim hêz dayêne embazanê xo. Milîtanêka winasêne bîye ke tim seba embazanê xo çîyo tewr baş waştêne. Hêlîne paradîgmaya azadîperwerîya cinîyan, demokratîke û ekolojîke ya Rayberîye baş fam kerdbi. Tim derheqê partîye, tarîxê şarî de cigêrayîş kerdêne. Tim destê aye de qeleme persî persayêne. Cinîyê Dêrsimî û pêro cinîyê bînî do sey Hêlîne bibê fermandara ercîyaye û şerwana azadîye.''

Embazanê Hêlîne ra Sulbus Perî zî derheqê aye de wina vat: ''Her tim waştêne ke merdiman ra çîyêk bimusa. Tim meraqdar bîye. Her çi fam kerdêne. Qet eleqe nêmojna madîyat.''