Merkezê Îrtîbatî û Çapemenîye yê HPGyî da zanayene ke Starî vera hêrişanê îşxalî Hemleya Şorişgêre ya Şehîd Savaş Maraşe dîyaye destpêkerdene. Derheqê çalakîyanê hemle de nê agahîyî ameyî dayene:

''Hêzanê ma Waranê Xoverdayîşî yê Girê Cûdî û Girê FMyî yê Zapî de vera artêşa îşxalkere Hemleya Şorişgêre ya Şehîd Savaşî daye destpêkerdene. Netîceya nê çalakîyanê tîmanê nêm-hereketînan de 1ê ci payeberz 22 îşxalkerî ameyî cezakerdene û 1 skorsky û 2 helîkopterê hêrişî ameyî derbkerdene û 1 cîhazê jammerî ame îmhakerdene. Nê çalakîyan de Fermandara YJA-Starî Nalîne Firata ke serkêşîya çalakîyanê Girê FMyî kerdêne bi ruhê fedayî şîye serê dişmenî, derbê giranî dayî piro û şehîd bîye.

Çarçewa Hemleya Şorişgêre ya Şehîd Savaş Maraşî de nê çalakîyî ameyî kerdene:

25ê gulane de hêzanê ma mudaxeleyê helîkopteranê ke waştêne şorê Warê Xoverdayîşî yê Girê FMyî kerd û 2 helîkopterî derb kerdî. Reyna şewe skorskyo ke waştêne leşkeran bîyaro war hetê hêzanê ma ra ame pirodayene. Skorsky netîce de neçare mend ke warî ra dûrî bikewo.

26ê gulane de Warê Xoverdayîşî yê Girê FMyî de îşxalkerî pê çekanê ferdîyan û taktîkê sûîkastî ameyî pirodayene û 6 îşxalkerî ameyî cezakerdene. Heman şewe îşxalkerê ke waştêne war de ca bidê xo pê taktîkê sabotajî ameyî pirodayene. Na çalakîye de 3 îşxalkerî ameyî cezakerdene, 2 îşxalkerî zî birîndar bîyî.

27ê gulane de Warê Xoverdayîşî yê Girê FMyî de îşxalkerî bi taktîkê sûîkastî ameyî hedefkerdene û îşxalkerêko ke tede cîhazê jammerî est bi, ame cezakerdene û cîhaz ame îmhakerdene.

27ê gulane de Warê Xoverdayîşî yê Girê FMyî îşxalkerî bi çalakîya bikoordîne ameyî pirodayene. Na çalakîya bikoordîne de 1ê ci payeberz 12 îşxalkerî ameyî cezakerdene. Embaze Fermandara YJA-Starî Nalîne Firata ke pê ruhê hêrişî, cesaretê pîlî û fedayîtî şîye serê dişmenî û 12 îşxalkerî ceza kerdî, na çalakîye de şehîd bîye.

Nasnameyê embaze Nalîne Firat wina yo:

Embaze Nalîne şaristanê serewedaritişî yê Botanî Cizîre de dadîya xo ra bîya. Embaze Nalîne verî 3 serran xebatanê ciwanan kena û dima zî 2015 de verê xo dana koyanê Kurdîstanî. Embaze Nalîne Metîna de dest pê gerîlatîye kerd, Girê Hekarî de pratîk kerd. Embaz Nalîne wextê hêrişanê DAÎŞî de zî resena hewarê cinîyanê Şingalî, tîya de tewra xeylêk çalakîyan bena û pê çêrîya xo bale ancena. Embaze Nalîne azadîya Şingalî ra dima derbazê Herêmanê Pawitişî yê Medya bena û wextêk Garê, Metîna û Zap de pratîk kena. Embaze Nalîne tewra Hêzanê Taybetan bena û tîya de bena fermandarêka marîfetîne. Embaze Nalîne Warê Xoverdayîşî yê Girê FMyî de serkêşîya xeylêk çalakîyan kena û pêkewtişan de şehîd bena.

Ma xemgîn ê ke embazêka sey Fermandare Nalîne şehîd bîya û ma pê aye sereberz ê. Ma soz danê ke ruhê ci yê hêriş û çêrî xo rê mîsal bigêrê û xeyalanê ci bîyarê ca. Ma pê bawer ê ke serê de ê Botanî cinî û ciwanê Kurdîstanî têkoşînê embaze Nalîne xo rê mîsal bigêrê û tewrê nê prosesî bibê. Ma sere de keyeyê aye yê ercîyayeyî rê, pêro şarê Kurdîstanî yê welatperwerî rê serweşîye wazenê.''