Merkezê Îrtîbatî û Çapemenîye yê HPGyî derheqê çalakîyanê gerîlyan û hêrişê artêşa tirke de eşkerayîye daye û nê vatî:

''Têkoşînê tarîxî yê hêzanê ma bêmabên dewam keno. Artêşa tirke bi seyan rey bi obusan, 39 rey pê çekanê kîmyewîyan û teqaberan û 33 rey pê teyrayanê şerî  Warê Xoverdayîşî dayî bombayan ver. Netîceya çalakîyanê hêzanê ma de 13 îşxalkerî ameyî cezakerdene, 3 îşxalkerî birîndar bîyî, 3 mewzî û sîstemêkê kameraya mobese ameyî îmhakerdene û mezîyêke û 2ê înan bi giranî 7 helîkopterî ameyî derbkerdene. Detayê çalakîyan wina yê:

Avaşîn

26ê gulane de  erazîya Kanî Biyê yê warê Mervanosî de îşxalkerî hîrê hetan ra ameyî pirodayene. Netîceya çalakîya bitesîre de 4 îşxalkerî ameyî cezakerdene, îşxlakerêk birîndar bi, 3 mewzî û sîstemêkê kamraya mobese ameyî îmhakerdene û mewzîyêke ameye derbkerdene. Îşxalkeranê ke badê çalakîye herême da bombayan ver saetanê şanî de cenazayê xo pê helîkopteran berdî. 27ê gulane de  çalakîya Warê Xoverdayîşî yê Werxelê de îşxalkerêk ame cezakerdene. War  23 rey bi çekanê kîmyewîyan û teqaberî û 3 rey zî teyarayanê şerî dîya bombayan ver.

Zap

26ê gulane de artêşa tirke warê Şehîd Berxwedan û Şikefta Birîndara 7 rey bi çekanê kîmyewîyan û teqaberan dayî bombayan ver. 27ê gulane de îşxalkeranê ke 5 rey pê gazanê axûyînan mewzîyê şerî yê warê Şehîd Berxwedanî yê Warê Xoverdayîşî yê Şehîd Şahînî dayî bombayan ver waşt aver şirê. Hêzanê ma di rey bi çekanê giranan da înan ro. Eynî roje helîkopterêke serê Şikefta Birîndara û Warê Xoverdayîşî yê Karkerî ser o gêrayêne ameyî pirodayene, di helîkopterî ameyî derbkerdene. Warê Xoverdayîşî yê Girê Cûdîyî de zî helîkopteranê ke leşkerî herême de cakerdene ameyî pirodayene 1ê înan bi giranî 3 helîkopterî ameyî derbkerdkerdene. Tîya vera îşxlakeran çalakîyêke ameye kerdene, 2 îşxalkerî ameyî cezakerdene û îşxalkerêk birîndar bi. Warê Xoverdayîşî yê Girê FMyî de zî 2 îşxalkerî ameyî cezakerdene û helîkopterêk  ame derbkerdene.

Metîna

26ê gulane de Warê Xoverdayîşî yê Girê Hakkarî de helîkopterêk ame derbkerdene . 27ê gulane de Girê Şehîd Hejare yê Girê Hakkarî de çalakîya sabotajî ameye kerdene. Netîceya çalakîye de 2 îşxalkerî ameyî cezakerdene û îşxalkerêk birîndar bi. Îşxalkeran war 4 rey da bombayan ver. Warê Şehîd Zemanî yê eynî girî  de îşxalkerê mesafeyo nêzdî ra ameyî pirodayene, 2 îşxalkerî ameyî cezakerdene. Roja bîne eynî cade îşxalkerî reyna ameyî pirodayene, 2 îşxalkerî ameyî cezakerdene.

Bombarduman

27ê gulane de warê Çemço, Saca, Çiyareş û Kurojahroyî yê herêma Zapî, warê Girê Şekîfî û Awa Lolanî yê herêma Xakurkê, Girê Hakkarî yê herêma Metîna û  Girê Cûdî, Girê FM, Girê Amediyê û Girê Baharî bi desan rey bi obusan û teyrarayanê şerî dîyayî bombayan ver.''