Gerîlaya YJA-Starî Lîlave Xelîl bale ante Hemleya 'Wext Wextê Azadîye yo' ya KCKyî ser û vat: ''Na hamle zag girîng a. Dewleta tirke bi hawayêkê şovenîstî waşt ke bi hêrişê vera kurdan hêzê xo bimojna. Dewleta tirke merdimanê ke seba azadîye vengê xo berz kenê tepişena û erşawena zîndanan. Hemleya KCKyî nê esasî ser o ameye îlankerdene.''

Lîlave Xelîl qala têkoşînê tarîxî yê kurdan kerde û ard ziwan ke na hemle do têkoşînê kurdan ser bivisna. Lîlave vat: ''No têkoşîn do bi na hemle ser bikewa. Hêrişê vera gerîlayan zî astêka core de yê. Dewleta tirke xîret kena ke bi operasyonan gerîlayan qels bikera û bêpawitiş verda. La gerîlayî zî xîret kenê ke kurdan bipawê û plananê îşxalkeran pûç bikerê. Şarê ma nika payan ser o yo, bi çalakîyan wayîrê hemle vejîyeno. Gerîlayî zî seba naye destê înan ra çita bêro kenê. Her kesî dî ke Heftanîn de senî sîstemê îşxalkeran vila bi û embazan bi hêz û îradeyî nasnameyê kurdan pawit. Hemleya 'Wext Wextê Azadîye yo' zî do bi ruhê Cengê Heftanînî do ser bikewa.

Hêrişê dewleta tirke ya îşxalkere do qet ser nêkewê. Her cayê Kurdîstanî de vengê azadîye berz beno. No veng sayê fikr û felsefeya Rayber Apoyî berz beno.  Coka tecrîdê vera Rayberê ma beno giranêr. Ma vera nê tecrîdî vinderê.''