Wezîrîya Karanê Zereyî yê Tirkî bi qerarêkê keyfî hemşaredarê HDP’yî yê Ebexî Farûk Demîr wezîfeyî ra vist dûrî. Hemşeradare Leyla Atsake zî  rîyê Qerarnameyê Hukmê Qanûnî  ra mazbataya ci nêamebî dayene.

 Demîro ke wezîfeyê ci ra ame dûrîfînayene  no qerar sey keyfî name kerd û vat: ’’Ma sebebê dûrîfînayîşî nêzanê la ma naye hol zanê ke ma çîyêko vera mewzûatî nêkerd. Ma hewl dayenê ke gureyanê leyminan ê qeyûmî vejê werte. Ma çîyêko xelet nêkerd û ma do mucadeleyê xo rê timûtim dewam bikerê.’’