Dewaya ke hemşaredaranê verênan ê Melazgirî yê Mûşî Halîs Coşkûn û Memnûne Soylemeze ci ra ameyêne muhakemekerdene amî dîyene. Hemşaredarê ke 2016 ra ameyê tepiştene bi îdîaya ‘endamîya organîzasyonî’ Mehkemaya Cezaya Girane ya 2’ine de ameyî muhakemekerdene. Hemşaredarî Zîndanê Patnosî yê Tîpê L’yî ra bi rayîrê SEGBÎS’î tewrê dewa bîyî.

Avûkatê Coşkûn û Soylemeze mehkema de amade bîyî. Avûkatan waştişê veradayîşê muwekîlanê xo kerd.

Mehkema Coşkûnî rê 12 serrî û Soylemeze rê zî 8 serrî û 6 mengî ceza birnaye.