Herêma Koyê Cûdîyî ya ke hetê Walîtîya Şirnexî ra seba şarî ameye qedexekerdene, tede bi nameyê ''herêma asayîşê taybetî'' qereqolî, kelaqolî û baregehê neweyî yenê viraştene.Warê Gundikê Remoyî yê Koyê Cûdîyî de parî ra nata her 5 kîlometreyan de yew bi temamî 3 baregehî virazîyayî. 

Qezaya Silopî ya Şirnexî de zî dewa asûran Hesena de kaleqolêk virazîya. Leşkerî nê herêman de yenê cadayene û destûr nêno dayene ke şar debikewo nê herêman. 

Bajarekê Sêgirkî yê qezaya Qilebanî yê Şirnexî de zî 4 kelaqolî do bivirazîyê û seba naye rayîran de xebate yena kerdene. Notirî zî kişta rayîran de daran qesnenê û goreyê îdîayan roşenê tay dezgehan.

Leşkerî seba qesnayîşê daran zî zor danê roniştoxanê dewanê Nerex, Heştan û Zorava. Ame zanayene ke leşkeran dewijan rê gef wend ke eke dewijî daran meqesnê notirî do bêrê û daran biqesnê.

Dîmenanê ke herême ra ameyî de yenê dîyene ke tay darî qesîyayî û pêser ameyî eştene.