Herêma Garî hetê teyarayanê şerî ra dîyaye bombayan ver
Herêma Garî ya ke PDKyî vizêr hêzê xo yo leşkerî erşawitî ci, hetê teyarayanê şerî yê dewleta tirke ra dîyaye bombayan ver.
Dima ke PDKyî hêzêko leşkerî sewqê herêma Dînarte kerd, teyarayanê şerî yê dewleta tirke herême ser o bombayî varnayî.
Goreyê zanayîşanê ke herêmîyan ra ameyî girewtene, PDKyî vizêr hezêkê xo yo taybet erşawit herêma Dînarte ya Akre ya herêma Behdînanî. Na herême sey herêma gerîlayan şinasîyena.
Naye ra dima teyarayanê dewleta tirke herême ser o bombayî varnayî.
Derheqê bombardumanî de zanayîşêko bîn nêame destvistene.
