Endama Heyetê Îdareyê Herêmî yê Demokratîkî  Sevîle Rojbîn Çetîna ke 26ê hezîrane de sereştişê keyeyê ci de ameye destbendkerdene, pê kutikan ci rê îşkence amebi kerdene. Avûkata Çetîne, Gulîstane Ataşa ke semedê belgekerdişê îşkenceyî fotografê rêça gazkerdişê kutikan ê bedenê Çetîne antî, derheqê ci de cipêrdayîş dîya destpêkerdene.

Ataşe wextê pêvînayîşê Çetîne de hela ke fotografî antî bî, polîsan mudaxaleyê ci kerdbi û dima polîsan Çetîne remnayebî û yew çime de qefilnayebî. Badê israrê avûkate Ataşe û wekîlanê HDPyî yê Amedî Dersime Dag û Semra Guzel polîsan Çetîne çimeyo qefolnaye ra vetbî. Dima zî  Çetîne asayîşê Amedî ra sewqê asayîşê Mêrdînî bibî. Polîsan waştbi ke îfadeyê avûkate Ataşe bîgerê la aye vatbi ez bê dozgerî îfade nêdana. Naye ser o 27ê hezîrane de hetê polîsanê sîyasîyan ê Amedî ra derheqê ci de seba ke îşkenceyê vera Çetîne belge kerdo pêhesnayîşê sûcî ame kerdene. Badê pêhesnayîşê sûcî Wezîraya Edaletî derheqê avûkate Ataşe de cipêrsayîş da destpêkerdene.

Avûkate Gulîstane Ataşa de derheqê cipêrsayîşî de qisey kerd vat: ''Mi wezîfeyê xo yê avûkatîye kerde. Belgekerdişê îşkenceyî berpirsîyarîya fermî û merdimî ya. Seba ke mi îşkence belge kerdo ganî derheqê îşkencekaran de cipêrdayîş biameyêne destpêkerdene la înan ez kerda hedef. Ez semedê cipêsayîşê derheqê xo de nê seba ke îşkenceyê vera muvekîla mi yeno nimitene qehrîyena.''