Awbendê Tişrînî yo ke çimeyê berardişê ceyranî yo, bi hewteyan o binê hêrişanê giranan ê dewleta tirke ya îşxalkere de yo. Hêrişan ra kapasîteya xizmetî ya awbendî kewte asta tewr nizme.
Awbendê Tişrînî yo ke çimeyê berardişê ceyranî yo, 28ê teşrîna peyêne ya 2024î ra nata binê hêrişanê giranan ê dewleta tirke ya îşxalkere de yo.
Dewleta tirke ya îşxalkere tim binawanî, îstasyonanê awe û ceyranî, bînayanê xizmetî Rojawan de kena hedef. Naye ra hêrişî tesîrê bi mîlyonanan merdiman kenê.
Awbendê Tişrînî yê Minbicî Helebî ra 115 kîlometre û Tirkîya ra 80 kîlometre dûr o. Awbend 1999 ra nata ceyranî ber ano.
Şerê Sûrîye ra verê cû Tişrînî bi kapasîteya xo cewab dayêne îhtîyacê ceyranî yê pêroyê herême.
Mabênê serranê 2014-2016î de Minbic hetê DAÎŞî ra amebi îşxalkerdene û Awbendê Tişrînî derbêka girane werde. Wextê azadkerdişê Minbicî de çeteyanê DAÎŞî xîret kerd ke awbendî birijnê. La şerwananê YPJ, YPG û QSDyî verê ney girewt.
Nika zî dewleta tirke kena ke nê awbendî birijna û herême bêceyran verbida.
Ceyrano ke Çemê Firatî ra yeno berardene reseno qezaya Sirrînî, şaristanê Kobanê, qezaya Ebû Qalqelî ya Minbicî û qezaya Cirni ya Tebqa.
