Dewleta Tirkî ya îşxalkar a ke serra verî vera herêma Bradostî hêrişê îşxalkerdişî daybî destpêkerdene, roja 28’ê Gulane bi ronayîşê eskeran ê serê Girê Şehîd Dervîş û Koyê Şekîfî nê hêrişê xo hîratir kerd.

Artêşa Tirkî çerçewaya hêrişanê îşxalkerdişî yê herêma Xakûrkê, Girê Şehîd Dervîş û Koyê Şekîfî de bi teyareyanê şerî û helîkopteranê kobrayî herême bombarduman kena. PDK’yî heta nika bi hawayêk hêrişê îşxalkerdişî yê dewleta Tirkî ya îşxalkare qebûl kerdî û derheqê na îşxalkarîye de zanayîşî vejîyayî werte. Hêzanê PDK’yî roja Îne herême de dest bi têgêrayîşî kerd û ney gumanî bihêztir bîyî. Bi şewe konvoyê pêşmergeyan o ke 15 wesayîtan ra yeno pê û girêdayî yê PDK’yî yo, ame şawitene bi Sîdekanî. Hêzanê pêşmergeyan reyde kepçe, grayder û konteynirê ke bi amancê uca bimanê, konvoyî de ca girewt. Goreyê zanayîşê ke çimeyanê cayîyan ra ameyê girewtene, hêzê pêmergeyan ê ke ver bi Sîdekanî şinê, hedefê înan o yo ke serê Sîdekanî û neqebê Berbîzîna bigêrê. Nê herêmî sey herêmanê gerîlayan yenê zanayene.