Endamanê Meclîsê Ciwanan ê Partîya Şaran a Demokratîke (HDP)  yê ke waşt ke vera rijnayîşê Hesenkeyfî eşkerayîyêk bidê raştê hêrişê polîsan ameyî 33 kesî bi derbkerdişî ameyî destbendkerdene.

Hemserekê HDP’yî yê Êlihî Îkram Îrgî û Gulcemal Erdînçe pîya bi ciwanan semedê eşkerayîye ameyî qeza. Polîsan ciwanî girewtî binê ablûqa û destûrê eşkerayîye înan  nêda. Ciwanan waşt ke agêrê banê HDP’yî yê qezaye û ûca eşkerayîye bidê. La polîsan destûrê naye zî nêda. Rixmê qedexeyî ciwanan waşt ke eşkerayîye bidê. Polîsan hêriş kerd  yewê ci rojnameger 33 ciwanî bi derbkerdişî destbend kerdî.