10 rojî verê cû şaristanê Xoyî yê Rojhelatê Kurdîstanî de qewimîya û tesîrê Elbakê Wanî kerd. Erdlerz de Elbak de 10 kesî merdî. Doman û cinîyê ke tewr zaf tesîrê erdlerzî de mendî nêeşkenê hewcedarîyanê xo yê bingeyînan peyda bikerê.

Taxa Xanîkî ya Elbakî de cinîyî nêeşkenê hewcedarîyanê xo yê pakî peyda bikerê û xeyman de zehmetîye ancenê.

Mexdûra erdlerzî Aytene Yoruk vat: ''Meseleya ma ya verêne germîye ya. Ma nêeşkenê nan bipewjê, nêeşkenê xeymanê qijan de bikewê ra. Ma nê hewayê serdî de domananê xo mîyanê çamurî de teberî de şiwenê.''

Nazane Yoruke ard ziwan ke zaf zehmetîyan ancenê û vat: ''Erdlerzî ra nata mi domanê xo nêşitî.  Sobaya ma ya ceyranî zî çin a. Ma nêeşkenê xo germin bikerê. Erdlerz de tewr zaf cinîyî zehmetîye ancenê.'' 

Mexdûra erdlerzî ya bîne Nîşan Kaya vat: ''Kincê ma çin ê ke ma xo ra bidê. Ma wazenê ka ma rê banî bivirazîyê. Çew nêeşkeno xeyman de hewcedarîyanê xo peyda bikerê. Ge ge ma serdî ra nêeşkenê bikewê ra. 

Yagune Oztunç zî pare kerd ke meseleya înan a verêne pakî ya û venga selahîyetdaran da ke meseleyanê înan çareser bikerê.