Wezaretê Weşîye yê Herêma Kurdîstanî da zanayene ke: ''Çarçewa xopawitişî û vergirewtişê vilabîyayîşê vîrusê Korona û kontrolkerdişê nêweşan de doktoranê ma kesan kontrol kenê û çimdarîya nê kesan kenê ke tede şikê vîrusî esto. 2872 kesî 31 cayanê cîyayan de binê çimdarîye de yê.1254 kesî zî çimdarîye ra derbaz bîyî, şîyî keyeyê xo.''

Goreyê eşkerayîya Wezaretê Weşîye yê Herêma Kurdîstanî 24 saetanê peyênan de 72 kesî ameyî kontrolkerdene û kesêke de Korona ameye tesbîtkerdene. Na kese cinîya 49 serre ya, Hewlêrî ra ya û verê cû seba çareserîya weşîye şibî Îranî. Bi nê hewayî Hewlêr de hûmara nêweşanê Korona bîye 2.

Walîyê Hewlêrî Firset Sofîtî Mexlîs de qisey kerd û venga hemwelatîyan da ke seba vergirewtişê vîrusê Korona hetkarîya hukmatî bikerê.

Herêma Kurdîstanî de hûmara kesanê ke vîrusê Korona ra kewtî resaye 10 kesan û înan ra yewî zî wefat kerdbi.