Vervatoxê polîsanê Hewlêrî derheqê rewşa asayîşê Hewlêrî de kombîyayîşêkê çapemenîye kerd.

Vervatox Hogir Ezîzî da zanayene ke mîyanê serrêk de merkezê polîsan rê 6 hezar û 411 gerreyî ameyî kerdene û çarçewa nê gerreyan de 6 hezar 212 gumandarî ameyî destbendkerdene. Ame parekerdene ke dosyayê 6 hezar û 398 gumandarî ameyî amadekerdene û mehkemeyan rê ameyî erşawitene. Vervatoxê polîsan îfade kerd ke se ra 96 yê dosyayê ke mehkemeyan rê ameyî teslîmkerdene derheqê înan de bire ameye dayene û têna 718 dosyayî asta tehqîqatî û cigêrayîşî de yê.