Hewlêr de vera Endamê Polîtburoyê YNKyî Hacî Mesîfî hêrişo çekdar ame kerdene. Hêriş de wezîfedarêkê pawitişî birîndar bi.

Sekreterê Hacî Mesîfî Kerîm Sermamîyî Rojnewsî rê qisey kerd û vat: ''Şewe saete 02.10 de hetê kes yan zî kesanê nenasan ra keyeyê Hacî Mesîfî dîya guleyan ver. Netîceya hêrişî de wezîfedarêkê pawitişî birîndar bi û wedarîya nêweşxane.''

Sermamîyî da zanayene ke yew meseleya Hacî Mesîfî bi çewî çin bîya û nika ê pê çewî şik nêkewenê.

Heta nika çewî mesuldarîya hêrişî nêgirewta xo ser û ame parekerdene ke hêrişker yan zî hêrişkerî zî remayê.