Rojnamegerî Gulîstane Tara û Hêro Bahadîn 23yê tebaxe de, Silêmanî de hetê dewleta tirke ra bi hêrişê hewayî ameybî qetilkerdene. Komêka rojnamegeran vengdayîşê ROJÎN û Înîsîyatîfê Rojnamegeranê Kurdîstanî ser o seba Gulîstane û Hêro Ewropa ra şîyî Silêmanî. Heyetê rojnamegeran do hîrê rojan şaristan de pêvînayîşan bikero.

Heyeto ke Alîce Magar, Emma Audrey, Diler Akreyî, Hendrîn Faraj Mohamed, Jallan Zîaeî û Devrîm Alp ra yeno pê ewro Walîyê Silêmanî Heval Ebûbekîrî de ronişt. Heyet dima şi zîyaretê Chatr Produksîyonî ke Gulîstane û Hêro tede xebitîyayêne.

Heyetî şîrkete ra serweşîye waşte. Heyetî tîya de vera qetilkerdişê Gulîstane û Hêro nêrazîbîyayîşê xo mojna. Heyetî îfade kerd ke armancê dewleta tirke tersnayîşê çimê rojnamegeran o.

Heyetî ard ziwsn ke çapemenîya azade do wayîra mîrasê Gulîstane û Tara vejîya.

Xebatkaranê Chatr Produksîyonî heyetî rê sipas kerd.