Goreyê Torra Heqanê Merdiman a Kurdîstanî vizêr teberê sînorî yê Hengejalî yê şaristanê Bane yê Rojhelatê Kurdîstanî de hêzanê dewleta Îranî komêka kolberan daya guleyan ver.

Netîceya hêrişî de kolber Sîna Resûlzadeyî (19) dinyaya xo bedilnaye.

Menga gulane ra nata 9 kolber û kasibkarê kurdî hetê hêzanê Îranî ra ameyî qetilkerdene. 

Destpêkê serre ra nata zî 36 kolberî, kasibker û hemwelatîyê Rojhelatê Kurdîstanî ameyî qetilkerdene û 215 kesî zî birîndar bîyî.