Başûrê Kurdîstanî de çalakîyê wendekaranê ke nêeşkenê bursê xo bigêrê vila benê. 23ê teşrîna peyêne de çalakîyê wendekaran zêdîyayî.

Polîsan xeylêk noqtayan de hêrişê wendekaran kerd. Silêmanî de zî vizêr bi des hezaran wendekarî tewrê protestoyan bibîy.

Wendekarê Zanîngehê Hewlêrî ewro seba çalakîye têgêrayî. La hêzanê PDKyî zanîngehî girewtî binê ablûqa û berî qefilnayî. Hêzê asayîşî nêverdenê ke wendekarî kampusan ra vejîyê. Çalakîya Hewlêrî de vizêr rayîrê bi 100 metreyan trafîkî rê amebi qefilnayene.