Fermandarê Qerargehê Merkezê Pawitişê Şarî (MPŞ) Mûrat Karayilanî derheqê  weçînitişê Stenbolî de ANF’yî rê qisey kerd.

Karayilanî weçînitişê Stenbolî sey referandûmî hesibna û va: ’’Bêşik o ke şarê Kurdistanî, dostî û dormeyê demokratîkî bi nê zanayîşî nêdzîyê weçînişî benê. Xora semedê naye vengdayîşê ma zî hewce nêkeno. HDP û dezgehanê bînan ê demokratîkan û sazgehanê cimatê sivîlan na babete de qerarê xo dayo. Nika Tirkîya de rejîmê AKP-MHP û Ergenekonî tehlukeyêk o. Eşkerayo ke Stenbol de hêzo ke eşkeno nê tehlukeyî werte ra wedare Kurdî û dostê înan ê. Hêzê Kurdan netîceya weçînitişê Stenbolî bewlî keno û no semedê heme Kurdan anorêk o.’’

‘Şima Nêeşkenê Kurdan Çîn Bikerê’

Karayilanî wina dewam kerd: ‘’Şarê Kurdî yo ke bindesto nika wextê azadîye û berzbîyayîşî de yo. Naye MHP û zîhnîyetê sey ci faşîstî nêvînê zî wina yo. Ê do naye qebûl bikerê. Şima nêeşkenê Kurdan çîn bikerê.  Kurdî heqîqetêk ê. Senî ke dinya de tîje û aşme estî Kurdî zî sey netewêk estî û na herre de heqîqetêk ê. Koleyê şima nêyî. Eke şima wazenê pîya biciwîye şima do cuya azade û seypêye qebûl bikerê. Yewna rayîr çîn o!’’

‘Hemparê Qirkerdişê Kurdan Mebê’

Karayilanî polîtîkaya hêrişkare ya îqtîdarî ya vera Kurdan ard vîrî û va: ‘’Bînalî Yildirimo ke semedê çînkerdişê Kurdan gureyeno nika demê weçînitişî de Amed de vano Kurdistan û çend  çekuye Kurdkî kerdî. Xora operasyonê qirkerdişê Kurdano ke înan serra 2016’î de da destpêkerdene Yildirimî sey ‘şerê îstîklalî’ name kerdbi û vernîya qetilkerdişê Kurdan de o estbi. Panelo hempar o ke pîya bi Îmamoglûyî  vejîya de zî xo bi xo deşîfre kerd. Yildirîmî va, ‘’Ez xora o wext serekwezîr bîya, Ma Efrîn kerd pak û  macîrî uca ca kerdî.’’ Eşkera îtîraf keno ke înan pakkerdişo etnîk kerdo û vano ke ê do  Rojakewtena Firatî zî dest bifînî û wina bikerê. Yanî vano ke, ‘’Ma do Kobanê û Qamişlo zî sey Efrînî bikerê’’. Kurdê ke naye wezenê wa raye bidê Yildirimî. Kam Kurdo bianor naye wazeno?

‘Şarê Ma Ganî Weçînitiş de Cewabê Înan Bido’

Ez tîya ra veng dana heme Kurdanê ke zerrîya safî ra muslumanê beno ke şima heta nika rayê xo dayê AKP û HDP û CHP’yij nêyê, la na rey çîyêko cîya esto. Bînalî Yildirim gama ke waşt xo biwasifno sûcê xo îtîraf kerd. Kam ke wazeno Kobanê zî sey Efrînî  qirkerdişî ra ravêro  wa raya xo bido Bînalî Yildirimî. Eke wijdanê şima naye qebûl nêkeno ganî şima raye ci nêdê. Çunke gune yo. Raydayîşê înan hemparbîyayîşê qetlîman o. Şarê ma ganî raya xo nê zaliman nêdo. Stanbol de reyna nînan rê bido vînîkerdene û dersê înan bido.’’