Gerîlayê YJA Starî Semra Ayverdi (Benda Amed), Bişeng Durmuş (Destina Botan) û gerîlayê HPGyî Seyithan Sencer (Baran Hemlin) 25ê temmuze de herêma Herekolî ya Berwarîya Sêrtî de şehîd bibî.

Merdimanê Benda Amed, Destîna Botan û Baran Hemlinî cenazayê xo Nêweşxaneyê Cigêrayîş û Perwerdeyî yê Sêrtî ra girewtî û berdî memleketanê înan.

Cenazaya gerîlaya YJA Starî Benda Amed qezaya Bismilî ya Amedî de badê caardişê wecîbeyanê dînîyan ameye definkerdene.

Cenazaya gerîlaya YJA Starî Destîna Botan zî dewa Nêwavî ya qezaya Silopîya ya Şirnexî de bi tewrbîyayîşê xeylêk kesan ameye definkerdene.

Cenazaya gerîlayê HPGyî Baran Xemlin zî goristanê Yenimahale yê Rêya Armûşe ya Wanî de ameye definkerdene. Kesê ke tewrê definkerdişî bîyî polîsan destna telefonanê înan ser.