Hetkarê hemserekê Bajar Amedî yê HDP’yî Mustafa Akengînî vat Kurdistan de raydayîşî saetê 17.00 de ney, saete 16.00 do biqedîyê û vengdayîş bi şarê kerd ke verê saete 16.00’î her kes şoro serê sindoqan û raya xo bişuxulno.

Mustafa Akengînî vengdaş bi şarî kerd û vat, “Ma venga şarê xo danê, wa verê saete 16.00’î  şorê sindoqan ser.”

6 hezar wezîfedarê ma estê

Mustafa Akengînî vat nêzdîyê 6 hezar wezîfedarê înan estê, 120 avûkat zî wezîfeyê xo ca de kenê. Akengînî vat, “Avûkatî her qezaye de serê wezîfeyê xo de yê. Xebere ameye ke Qulp de qorîcîyan hêrişê serê avûkatan û hevalanê ma yê partîye kerdo. Rewşêka girane çin a la ma hêrişê winasîyî pawitêne.”