Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye. Eşkerayîye de ame vatene ke gerîlayî Warê Xoverdayîşî yê Girê Cûdîyî de derbanê giranan danê artêşa tirke ya îşxalkere ro û detayê ci ameyî parekerdene:

''Herêma Şehîd Delîlî ya Herêma Zapî

28ê temmuze de Warê Xoverdayîşî yê Girê Cûdîyî de gama ke îşxalkerî kewtê têgêrayîş pê çekanê giranan ameyî pirodayene û îşxalkerêk ame cezakerdene. Eynî roje hetê hêzanê ma yê YJA Starî ra xeymêke û sîstemêkê kameraya mobese ê îşxakeran ameyî îmhakerdene. Dima ra vera îşxalkeran reyna têdima çalakîyî ameyî kerdene. Çalakîyanê cîya cîyayan de 6  îşxalkerî ameyî cezakerdene û 2 îşxalkerî birîndar bîyî, xeymêke ameye derbkerdene. Saetanê cemê şanî de reyna Girê Cûdîyî de îşxakerî hetê hêzanê ma yê YJA Starî ra ameyî pirodayene. Çalakîyan de 4 îşxalkerî ameyî cezakerdene û 3 îşxalkerî birîndar bîyî. 29ê temmuze de di rey helîkopteran rê mudaxale ame kerdene.

Hêrişê Artêşa Tirke

27 û 28ê temmuze de warê Golka yê Metîna, warê Gundê Girê, Gundê Sêdarê û Gundê Seravê yê Garê pê teyarayanê şerî dîyayî bombayan ver. Herêmê Zap û Metîna bi desan rey pê topan dîyayî bombayan ver.

Eleqayê Ma Bi Mergê Mihemed Mirze Çîn a

PDKyî eşkerayîyê ke daye û ma sey berpirsîyarê mergê Mihemed Mirzeyî tepişt ke 23 temmuze de qewimîya. Sey HPGyî eleqaya ma pê na babete çîn a. Destê înan de belgehêk zî çîn o, rixmê nê cara bîlaseb eşto ma ser.''