Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî.

''Çalakîyê hêzanê ma yê ke semedê selamkerdişê 30ê Hezîrane Roja Fedayîtîye xeta Zîlane de yene kerdene dewam kenê. Nê çalakîyan de 12 îşxalkerî ameyî cezakerdene û 4 îşxalkerî birîndar bîyî. Warê Xoverdayîşî bi desan rey pê helîkopter, obus û teyarayanê şerî dîyayî bombayan ver. Detayê çalakîyan wina yê;

Avaşîn

29ê hezîrane de warê Kokerê de îşxalkerî hetê hêzanê ma ra di hetan ra ameyî pirodayene. Çalakîye de 7 îşxalkerî ameyî cezakerdene û 4 îşxalkerî birîndar bîyî.

Zap

27ê hezîrane de warê Çemçoyî de helîkopteranê ke waşt herême bidê bombayan ver hetê hêzanê ma ra ameyî hedefgirewtene. Netîceya mudaxaleyê hêzanê ma de helîkopterî herême ra kewetî dûrî.

Metîna

28ê hezîrane de Warê Xoverdayîşî yê Girê Cûdîyî de vera îşxalkeran çalakîya sûîkastî ameye kerdene, 2 îşxalkerî ameyî cezakerdene. Eynî roje Warê Xoverdayîşî yê Girê FMyî de hêzanê ma yê YJA Starî çalakîya sûîkastî kerde, îşxalkerêk ame cezakerdene. Saetanê nêmroje de Girê Cûdîyî de îşxlakerî newe ra ameyî pirodayene, 2 îşxalkerî ameyî cezakerdene û yew sîstemê kemaraya mobese ame îmhakerdene.

Bombarduman

Artêşa tirke ya îşxalkere 28ê hezîrane de  Şikefta Birîndara pê kîmyasalan da bombayan ver. Eynî roje Warê Xoverdayîşî yê  Çemço, Sîda, Saca, Girê FM, Girê Cûdî, Girê Amediyê, Kurojahro, Şehîd Şahîn Werxelê, Girê Hakarî û Girê Şehîd Zemanî pê obus, helîkopter û teyarayanê şerî dîyayî bombayan ver.''