Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî.

''Çalakîyê hêzanê ma yê ke semedê selamkerdişê 30ê Hezîrane Roja Fedayîtîye yene kerdene de derbeyê girdî dîyenî dişmenî ro. Nê çalakîyan de 34 îşxalkerî ameyî cezakerdene û 9 îşxalkerî birîndar bîyî. Warê Xoverdayîşî bi desan rey pê helîkopter , obus û teyarayanê şerî dîyayî bombayan ver. Detayê çalakîyan wina yê;

Avaşîn

27ê hezîrane de Warê Xoverdayîşî yê Werxelê de îşxalkeranê ke waşt ver bi tunelanê şerî yê Şehîd Tekoşerî aver şirê pê çekanê giranan ameyî pirodayene. Saetanê nêmroje de mabênê hêzanê û îşxlakeran de pêkewtişê giranî qewimîyayî. Netîceya pirodayîşanê bitesîran de tewr tay 15 îşxalkerî ameyî cezakerdene û 4 îşxalkerî birîndar bîyî. Eynî roje dormeyê tunelanê şerî yê Werxelê de zî îşxalkerî têdima ameyî pirodayene. Çalakîyan de 13 îşxalkerî ameyî cezakerdene û 5 îşxalkerî birîndar bîyî. Roja bîne îşxalkerî tîya reyna ameyî pirodayene. Îşxalkerê ke mecbûr mendê peyser agêrê herême daye bombayan ver.

Zap

27ê hezîrane de Warê Xoverdayîşî yê Karkerî de çalakîya sabotajî ameye kerdene, 2 îşxalkerî ameyî cezakerdene.

Metîna

27ê hezirane de Warê Xoverdayîşî yê Girê FMyî de vera îşxalkeran çalakîya sûîkastî ameye kerdene, îşxalkerêk ame cezakerdene. Îşxlakerî gamêke peyser ancîyayî. Eynî roje Warê Xoverdayîşî yê Girê Cûdîyî de zî îşxalkerî bi hewayêkê hemwextî ameyî pirodayene, 3 îşxalkerî ameyî cezakerdene.

Bombarduman

Artêşa tirke ya îşxalkere 27ê hezîrane de Girê Munzur, Girê Cûdî, Girê FM, Girê Hakarî, Girê Şehîd Zemanî, Girê Şehîd Akîf, Werxelê, 6Çemço, Kunîşka, Kurojahro, Girê Şehîd Tolhildan, Girê Mamreşo û Girê Karkerî pê teqaber, helîkopter, obus û teyarayan dayî bombayan ver.''