Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

''Çalakîyê hêzanê ma yê semedê selamkerdişê 30ê Hezîrane Roja Fedayîtîye dewam kenê. Nê çalakîyan de 26 îşxalkerî ameyî cezakerdene. Detayê çalakîyan wina yê;

Xakurkê

23ê hezîrane de Girê Şehîd Şahanî de îşxalkerî di hetan ra pê çekanê giranan  ameyî pirodayene, 3 îşxalkerî ameyî cezakerdene. Reyna çalakîya bîne de zî yew sîstemê kameraya mobese ame îmhakerdene. 24ê hezîrane de Girê Karkerî de îşxalkerî pê çekanê giranan ameyî pirodayene. Çalakîye de 3 îşxalkerî ameyî cezakerdene û mewzîyêke ameye îmhakerdene. 26ê hezîrane de Girê Şehîde Axîne de îşxalkerêk ame cezakerdene. Eynî roje Girê Şehîd Kamûranî de sîstemê kameraya mobese ame destsernayene.

Avaşîn

25ê hezîrane de Kanî Biyê de grûbêka îşxalkeran hetê hêzanê ma ra ameye pirodayene. Çalakîye de 6 îşxalkerî ameyî cezakerdene.  26ê hezîrane de Warê Xoverdayîşî yê Werxelê de îşxalkerê ke ameyî pirodayene mecbûr mendê gamêke peyser biancîyê.

Zap

25 û 26ê hezîrane de Warê Xoverdayîşî yê Şikefta Birîndara de îşxalkerî têdima hîrê rey ameyî pirodayene. Çalakîyan de 6 îşxalkerî ameyî cezakerdene, yew sîstemê kameraya mobese û yew xeyma leşkerîye ameyî îmhakerdene.

Metîna

26ê hezîrane de  Warê Xoverdayîşî yê Girê Hakarî de îşxalkerê ke dormeyê tunelanê şerî yê Girê Şehîd Zemanî de ameyî pirodayene mecbûr mendê ke gamêke pesyser binacîyê. Eynî roje Warê Xoverdayîşî yê Girê Cûdîyî de îşxalkerî hetê hêzanê ma yê YJA Starî ra ameyî pirodayene, îşxalkerêk ame cezakerdene. Îşxalkerê ke ver bi tunelanê şerî waşt aver şirê tîya reyna ameyî pirodayene, 3 îşxalkerî ameyî cezakerdene. 27ê hezîrane de Warê Xoverdayîşî yê Girê Cûdîyî de 3 îşxalkerî ameyî cezakerdene.

Bombarduman

24,25, 26 û 27ê hezîrane de Warê Xoverdayîşî yê  Şehîd Berxwedan, Şikefta Birîndara, Girê Şekîf, Geliyê Çilûçar, Geliyê Lolanê , Girê Şehîd Akîf, Werxelê, Çemço, Koker, Girê Ortê ,Girê Hakkarî, Saca, Şehîd Şahîn, Girê Cûdî , Girê FMî pê çekanê kîmyewîyan, teqaber, teyara, helîkopter û obusan dîyayî bombayan ver.''