Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye.

Eşkerayîye wina ya:

''Vera hêrişanê îşxalî yê artêşa tirke ya kolonyalîsre gerîlayê azadîye yê Kurdîstanî bi ruhê fedayîyî seba ke 30ê Hezîrane Roja Fedayîtîye selam bikerê, çalakîyanê xo rê dewam kenê. Netîceya çalakîyan de 12 îşxalkerî ameyî cezakerdene, 1 mewzî ame îmhakerdene û dest nîya 1 dûrbûnê bilazerî ser. Tunelê şerî yê Waranê Xoverdayîşî 16 reyî pê çeka kîmyewîye û teqaberan û 6 reyî zî pê teyarayanê şerî dîyayî bombayan ver.

Detayê çalakîyan û hêrişan wina yê:

Çarçewa Hemleya Şorişgêre ya Cengê Xabûrî ya Şehîd Savaş Maraşî de;

25ê hezîrane de tunelanê şerî yê Girê Şehîd Zemanî yê Warê Xoverdayîşî yê Girê Hekarî de îşxalkerê waştêne aver şorê, hetê hêzanê ma ra gêrîyayî binê guleyan. Pêkewtişan ra dima îşxalkerî neçare mendî ke apey şorê. Tîya de hêzanê ma dest na yew dûrbûnê bilazerî ser. Heman roje dima îşxalkerî pê çekanê giranan ameyî derbkerdene.

25ê hezîrane de Girê Şehîd Çekdarî yê Warê Xoverdayîşî yê Girê Cûdîyî de îşxalkerî ameyî derbkerdene û netîceya derbanê serkewteyan de îşxalkerî bi panîkî vilayê erazî bîyî.

25ê hezîrane de Girê Şehîd Akîfî yê Warê Xoverdayîşî yê Girê Hekarî de tunelanê şerî de îşxalkerî hetê tîmanê nêm-hereketînan ra ameyî pirodayene. Baska yewine pê bombayanê destan û çekanê ferdîyan da mewzîyê 4 îşxalkeran ro. Tîya de 4 îşxalkerî ameyî cezakerdene û 1 mewzî ame îmhakerdene. Baska diyîne zî komêka îşxalkeran kerde hedef û 3 îşxalkerî ceza kerdî.

25ê hezîrane de dormeyê Warê Xoverdayîşî yê Girê FMyî de îşxalkerî 5 reyî pê taktîkê suîkastî ameyî hedefkerdene û 5 îşxalkerî ameyî cezakerdene.

25ê hezîrane de Girê Şehîd Çekdarî de îşxalkerî hetê hêzanê ma ra ameyî derbkerdene.

Hêrişê kîmyewîyî û teqaberan ê artêşa îşxalkere wina yê:

25ê hezîrane de tunelê şerî yê Girê Şehîd Akîfî û Şehîd Zemanî 4 reyî pê teqaberan, tunelê şerî yê Şehîd Yunusî yê Warê Xoverdayîşî yê Girê Cûdîyî 12 reyî pê çeka kîmyewîye û teqaberan û tunelê şerî yê Şehîd Yunusî yê Warê Xoverdayîşî yê Girê Cûdîyî 12 reyî pê teqaberan û çeka kîmyewîye dîyayî bombayan ver.

Hêrişê bi obus, helîkopter û teyarayanê şerî:

25ê hezîrane de warê Girê Hekarî yê Metîna û warê Girê Amedîyê û Girê Biharî yê Zapî dîyayî bombayan ver.''