Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

''Çalakîyê hêzanê ma yê semedê selamkerdişê 30ê Hezîrane Roja Fedayîye dewam kenê. Nê çalakîyan de 22 îşxalkerî ameyî cezakerdene û xeymêka leşkerîye ameye îmhakerdene. Warê Xoverdayîşî reyna bi desan rey pê çekanê kîmyewîyan, teqaber, helîkopter û teyare û obusan dîyayî bombayan ver. Detayê çalakîyan wina yê;

Avaşîn

Warê Xoverdayîşî yê Werxelê de 24ê hezîrane de îşxalkerî ameyî pirodayene. Çalakîyan de îşxalkerêk ame cezakerdene û îşxalkerî mecbur mendê ke biney peyser biancîyê.

Zap

Warê Xoverdayîşî yê Kurojahroyî de 25ê hezîrane de helîkopterêko hetê hêzanê ma ra ame hedefgirewene peyser agêra. Warê Xoverdayîşî yê Girê Karkerî de zî 24ê hezîrane de çalakîya sabotajî ameye ekrdene, 2 îşxalkerî ameyî cezakerdene.

Metîna

Dormeyê tunelanê şerî yê Şehîd Zemanî de 24ê hezîrane de îşxalkerî ameyî pirodayene. Eynî roje Warê Xoverdayîşî yê Girê Hakarî de dormeyê Girê Şehîd Akîfî de çalakîya sûîkastî ameye kerdene, îşxalkerêk ame cezakerdene.  Warê Şehîd Çekdarî yê Warê Xoverdayîşî yê Girê Cûdîyî de zî çalakîya sabotajî ameye kerdene, 3 îşxalkerî ameyî cezakerdene. Eynî roje hêzanê ma yê YJA Starî tîya têdima bi taktîkê sûîkastî da îşxlakeran ro, 5 îşxalkerî ameyî cezakerdene.Warê Xoverdayîşî yê Girê FMyî de zî îşxalkerêk ame cezakerdene. Qereqolê Kanî Masî yê artêşa tirke zî eynî roje ame pirodayene. Çalakîya bitesîre de 8 îşxalkerî ameyî cezakerdene û xeymêka leşkerîye ameye îmhakerdene.

Bombarduman

Artêşa tirke 24ê hezîrane de Warê Xoverdayîşî yê Girê Hakarî,  Girê Cûdî, Werxelê, Şîkefta Birîndara,Karkerî, Girê Bihar, Girê Amediye, Kurojahro, Saca, Girê Mamreş, Girê Şehîd Harûn, Karker, Çemço û  Kokerî bi çekanê kîmyewîyan, teqaber, helîkopter û teyare û obusan dîyayî bombayan ver.