Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

Hemleya Şorişgêre ya Bazanê Zagrosî – Avaşîn

''3ê hezîrane de îşxalkeranê ke waşt  Werxelê ra ver bi Çemçoyî şirê hetê hêzanê ma ra ameyî pirodayene, îşxalkerêk ame cezakerdene û îşxalkerî mecbûr mendê ke  gamêke peyser agêrê.

Hemleya Şorişgêre ya Cengê Xabûrî – Metîna

4ê hezîrane de Warê Xoverdayîşî yê Girê Hakkarî de hêzanê ma helîkopteranê skorsky û hêrişî ser o guleyî varnayî. Netîceyê pirodayîşanê bitesîran de skorsky de teqayîş qewimîya. Helîkopterêkî derbeya girde werde mecbûr mendê ke warî ra bikewo dûrî.

Hemleya Şorişgêre ya Bazanê Zagrosî – Zap

2ê gulane de Warê Xoverdayîşî yê Şikefta Birîndara de dronêk hetê hêzanê ma ra ame wardayene û enqazê ci zî hetê embazanê ma ra ame destsernayene. 5ê hezîrane de Warê Xoverdayîşî yê Karkerî de hêzanê ma yê YJA Starî çalakîya sûîkastî kerde, 2 îşxalkerî ameyî cezakerdene.

Hemleya Şorişgêre ya Şehîd Savaş Maraşî – Zap

4ê hezîrane de Warê Xoverdayîşî yê Girê Cûdîyî de çalakîyanê cîya cîyayan de 2 îşxlakerî ameyî cezakerdene û helîkopterêkê hêrişî ame derbkerdene. Warê Xoverdayîşî yê Girê FMyî de zî vera îşxalkeran dame ameye ronayene û çalakîyê sabotajî û sûîkastî ameyî kerdene. Çalakîyan de 4  îşxalkerî ameyî cezakerdene. Badê çalakîyan îşxalkerî gamêke peyser ancîyayî. Saetanê vera şanî de îşxalkerî tîya reyna hetê hêzanê ma ra di hetan ra pê çekanê ferdîyan û bombayanê destan ameyî pirodayene. Çalakîye de 4 îşxlakerî ameyî cezakerdene, îşxalkerêk birîndar bi û mewzîyêke ameye îmhakerdene.

Bombarduman

4ê hezîrane de Warê Xoverdayîşî yê Girê Hakkarî yê Metîna û warê Şehîd Şahîn, Girê Cehennem, Şikefta Birîndara, Karker, Girê FM û Şehîd Hewrê yê herêma Zapî bi pê çekanê kîmîyewan û teqaberan dîyayî bombayan ver. Eynî roje Warê Xoverdayîşî yê Girê Hakkarî û dormeyê dewa Qesrokê yê Metîna, Warê Xoverdayîşî yê Werxelê yê herêma Avaşînî, warê Kurojahro, Girê Cûdî, Şehîd Şahîn, Kûnîşka, Şikefta Birîndara, Karker û Saca û Çemçoyî yê herêma Zapî pê teyarayamê şerî, helîkopteranê hêrişî û obusan ra dîyayî bombayan ver. Şewato ke badê bombardumanî Çemço de vejîya hema dewam keno.''