Merkezê Îrtîbatî û Çapemenîye yê HPGyî derheqê hêrişê îşxalî yê dewleta tirke û çalakîyanê gerîlayan de eşkerayîye daye û nê pare kerdî:

''Herêmanê Zap û Avaşînî de vera arêtşa tirke ya îşxalkere xoverdayîşo tarîkî dewam keno. Dewleta tirke ya îşxalkera ke hêzanê ma ra derbeyanê pîlan wena, çekanê kîmyewîyan şuxulnena. Îşxalkeran Warê Xoverdayîşî 39 rey dayî bombayan ver. Rixmê nê hêrişan gerîlayan xeylêk çalakîyê bitesîrî kerdî. Netîceya nê çalakîyan de 15 îşxalkerî ameyî cezakerdene, îşxalkerêk birîndar bi û xeymêka leşkerî ameye îmhakerdene. Çalakîyê ke hêzanê ma yê Zap û Avaşînî şexsê Rayberê Şorişgêrê Bêmergî Hakî Karerî de semedê yadkerdişê şehîdanê Menga Gulane kerdî, detayê înan wina yê:

Avaşîn

17ê gulane warê Şehîd Dilgeşî yê Mervanosî de îşxalkeranê ke semedê wesayîtanê zirxinan xebatê rayîrî kerdenê hetê hêzanê ma ra ameyî pirodayene, 2 îşxakerî ameyî cezakerdene. 18ê gulane de îşxalkerêke Warê Xoverdayîşî yê Werxelê de ameyî pirodayene mecbur mendî ke peyser agêrê. Îşxalkeran 22 rey Werxelê pê çekenê giranan da bombayan ver.

Zap

18ê gulane de Warê Xoverdayîşî  yê Şikefta Birîndara çalakîyanê cîya cîyayan de7 îşxalkerî ame cezakerdene. Hêzê ma şîyî di cenazayanê îşxlakeran ser. Hêzanê ma tîya 19ê gulane de reyna da îşxalkeran ro, 2 îşxlakerî ameyî cezakerdene.18ê gulane warê Şehîd Berxwedanî yê Warê Xoverdayîşî yê Şehîd Şahînî de xeymêka leşkerî hetê hêzanê ma ra ameye îmhakerdene. Eynî roje warê Kevirêkûnî yê Warê Xoverdayîşî yê Şikefta Birîndara 4 îşalkerî ameyî cezakerdene û badê mudaxaleyê hêzanê ma helîkopterî warî ra kewtî dûrî. Reyna warê Qela Çemçoyî de zî helîkopteranê ke waştêne herême bidê bombayan ver hetê hêzanê ma ra ameyî hedefgirewtene û mecbûr mendê ke agêrê. 18 û 19ê gulane îşxalkeran warê Şikefta Birîndara, Şehîd Berxwedan û Girê Cehenemî 17 rey bi çekanê kîmyewîyan dayî bombayan ver.

Bombarduman

18ê gulane de Girê Amediye, Girê Cûdî, Girê FM, Karker, Girê Ortê, Çiyareş, Kurojahro, Saca, Çemço, Sîda û  Girê Rûbarî yê herêma Zapî pê teyarayanê şerî 29 rey dîyayî bombayan ver. Girê Hakarî yê herêma Metîna û Girê Şekîfî yê herêma Xakurkê zî bi teyarayanê şerî dîyayî bombayan ver.''