Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de nê pare kerdî:

''Çalakîyê bitesîrî yê  Gerîlayanê Azadîye yê Kurdîstanî bi ruhê fedayîyî yê Apoyî dewam kenê. Gerîlayî bi taktîkanê afernayoxan derbeyanê girdan danê îşxalkeren ro. Netîceya çalakîyanê peyênan de 15 îşxalkerî ameyî kiştene û 3 îşxlakerî birîndar bîyî. Droneyêk û sîstemêkê mayinî ameyî îmhakerdene. Bombardimanê artêşa tirke ya îşxalkere dewam keno. Hêzanê ma semedê teslîmkerdişê cenazaya leşkerê ke dewleta tirke wayîrê ci nêvejîyayî veng da la artêşa tirke reyna bi hêrişî cewab da. Warê Xoverdayîşî yê Girê Amedîyê  vera hêzanê ma çeka kîmyewîye şuxulnena. Detayê çalakîyan û hêrişan wina yê;

Zap

24ê temmuze de Warê Xoverdayîşî yê Şikefta Birîndara de îşxalkerêkê ameyî pirodayene mecbûr mendê gamêke peyser agêrê. Eynî roje warê Şehîde Ardile de droneyo bombabarkerde yo ke semedê bombardumanî şawîyabi hetê hêzanê ma  ra ame îmhakerdene.

Xakurkê

14ê temmuze Girê Şehîd Kamuranî yê warê Şekîfî de îşxalkerî hetê hêzanê ma ra  di hetan ra bi çalakîya bikoordîne ameyî pirodayene. Çalakîye de 4 îşxalkerî ameyî cezakerdene û 3 îşxalkerî birîndar bîyî.

Metîna

14ê temmuze Warê Xoverdayîşî yê Girê Cûdîyî de hêzanê ma YJA Starî çalakîya sûîkastî kerde, 2 îşxalkerî ameyî cezakerdene. Saetanê cemê şanî û şewe de îşxlakerî reyna bi taktîkê sûîkastî ameyî pirodayene, 2 îşxalkerî ameyî cezakerdene. Eynî roje Warê Xoverdayîşî yê Girê Amedîye de zî çalakîyanê cîya cîyayan de 4 îşxalkerî ameyî cezakerdene. 15ê temmuze de Warê Xoverdayîşî yê Girê Amedîyê de yew mayino ke amebi cakerdene hetê hêzanê ma ra ame îmhakerdene.  Hetê bînî ra mabênê hêzanê ma û îşxlakeran de pêkewtişê giranî qewimîyayî. Netîceyê prodayîşê hêzanê ma de 3 îşxalkerî ameyî cezakerdene û îşxalkerî  mecbûr mendê ke biney peyser biancîyê.

Bombarduman

Artêşa tirke ya îşxalkere 15ê temmuze de Warê Xoverdayîşî yê Girê Hakarî, Girê Amediyê,  Girê Cûdî ,Girê Karker û Şikefta Birîndara pê teqaber û çekanê kîmyewîyan dayî bombayan ver. 14 temmuze de zî warê xoverdayîşî yê Çemço, Sîda,  Saca, Kurojahro, Girê Hakarî, Girê Amediyê, Girê Cûdî, Werxelê pê teyara, helîkopter û obusan dîyayî bombayan ver. Şewato ke badê bombardumanî waranê Çemço, Sîda û Saca vejîya dewam keno.''