Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirkî de eşkerayîyêke daye û nê pare kerdî:

''Hêzanê ma 8ê nîsane de nizdê dewa Savuşka ya qezaya Pasûrî ya Amedî de vera wesayîtêko tede endamê MÎTî û kontrayî estî çalakîya sabotajî viraşte. Na  çalakîye de 2 êndamê mîtî û 3 kontrayî ameyî kiştene.Yewîya ya ma ya ke çalakîye viraşte weş û war resayê cayê xo. Badê çalakîye artêşa tirke heta 23ê nîsane herême de operasyon kerd la dima ra destveng peysern ancîyaye.

Dewleta tirke û medayaya ci şarî xapînena

Dewleta tirke ya faşîste semedê îmhakerdişê gerîlayanê ma xeylêk medotanê leyminan rayra bena. Înan ra yew zî bi MÎT û kontrayan cayê gerîlayan de sey sîvîlan gêrenê ke cayê gerîlayan tesbît bikerê. Gama ke nê ajan-kontrayî yenê kiştene dewleta tirke û medyaya ci bi zûranê girdan şarî xapînenê û vanê ke sîvîlî ameyî kiştene. Nê qetîyen sivîl nîyê. Hukmatî nê ajan-kontrayî bitaybetî vera Gerîlayanê Azadîye rêxistin kerdî.

Çelê de îşxalkerî ameyî pirodayene

Çarçeweya Hemleya Şorişgêre ya Şehîd Bagerî û Şehîde Ronya de 2ê gulane de hêzanê ma vera Qereqolê Girê yê Çelê ya Colemêrgî çalakîyêke viraşte. Çalakîya ke mewzî û stargehê dişmenî bitesîr ameyî pirodayene de hûmara merde û birîndaranê dişmenî safî nêbîye.

Qaqizman de 7 gerîlayî şehîd bîyî

Artêşa tirke 29-30ê nîsane de herêma Kiizlpîrîzî ya qezaya Qaqizmanî ya Qersî de operasyon de despêkerdene. Bombarûmanê nê operasyonî de 4 embazê ma şehîd bîyî. 2ê teşrîna peyêna 2019î de reyna qezaya Qaqizmanî ya Qersî  de mabênê yewîya ma dişmenê pêkewtiş vejîya. Nê pêkewitşan de 3 embazê ma yê ke bi hawayêkê qehremankî şer kerd şehîd bîyî. Nasnameyê embazanê ma do peyra rayapêroyî dir bêrê parekerdene.''