Merkezê Îrtîbatî û Çapemenîye yê HPGyî derheqê hêrişanê îşxalkeran û çalakîyanê gerîlayan de eşkerayîyêke daye.

Eşkerayîye wina ya:

''Çarçewa Hemleya Şorişgêre ya Bazanê Zagrosan de;

16ê teşrîna peyêne de warê Ermûşî yê Xakûrkê de îşxalkerî hetê hêzanê ma ra gêrîyayî binê kontrolî û pê çalakîya sabotajî ameyî pirodayene. Netîceya çalakîye de 2 îşxalkerî ameyî cezakerdene.

Çalakîye ra dima artêşa tirke ya îşxalkere warê Şehîde Bêrîtane, Şehîd Ehmed û Girê Qehremanî de operasyonêk da destpêkerdene. Bombardumananê giranan reyde mabênê hêzanê ma û hêzanê îşxalkeran de pêkewtişê giranî qewimîyenê. Key agahîyê zêdeyî bêrê girewtene rayaumûmîye reyde do bêrê parekerdene.

21ê teşrîna peyêne de warê Koordîne yê herêma Metîna de yew kameraya mobese ya ke hetê artêşa tirke ya îşxalkere ra amebî cakerdene hetê hêzanê ma ra ameye îmhakerdene.

20ê teşrîna peyêne dedewa Guze ya Garê û 22ê teşrîna peyêne de dormeyê dewa Kanî Sarkê ya Garê dîyayî bombayan ver. 

22ê teşrîna peyêne de ware Merwanosî yê Avaşînî de têgêrayîşê helîkopteran qewimîya.

22 û 23ê teşrîna peyêne de artêşa tirke ya îşxalkere warê Rênçbiraxa û Çemçoyî yê herêma Zapî hetê qereqolanê sînorî ra pê obusan dîyayî bombayan ver.''