Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''16ê teşrîna peyêne de hêzanê ma dormeyê mewzîyanê şerî yê Şehîd Pîrdoganî yê Warê Xoverdayîşî yê Girê Amedîyê de çar hetan ra da îşxalkeran ro. Na çalakîye de 14 îşxalkerî ameyî cezakerdene, 6 mewzîyî bi temamî ameyî îmhakerdene.  Gama ke hêzê ma bi ruhê fedayîyî şiyênî dişmenî ser hetê hêzanê PDKyî ra geleyî ameyî eştene.

Hemrayê ma Mîlîtan, Serxwebûn û Nejwan yê ke heta guleyê xo yê peyênî şer kerd û derbeyê girdî dayî dişmenî ro bombayê xo teqnayî û bi hewayêkê qehremankîyî tewrê kerwanê şehîdan bîyî. Serede keyeyê ercîyayeyî yê hemrayanê ma Milîtan, Nejwan û Serxwebûnî wa  şarê Amed û Qoserî û şarê welatperwerî yê Kurdîstanî  weş bo. Hemrayê ma yê ke şehîd bîyî nameyê înan wina yê:

 

Nameyê Qodî:  Milîtan Heqî Name û Peyname:  Ahmet Yavûz Cayê Bîyayîşî:  Amed Maye-Pî: Makbule – Davut Tarîx û Cayê Şehadetî: 16ê Teşrîna Peyêna 2022yî / Metîna

 

Nameyê Qodî: Nejwan Mêrdîn Name û Peyname: Neşvan Kanbur Cayê Bîyayîşî: Mêrdîn Maye-Pî: Terfa – İzzettin Tarîx û Cayê Şehadetî: 16ê Teşrîna Peyêna 2022yî / Metîna

 

Nameyê Qodî: Serxwebûn Baz Name û Peyname: Hamza Aykut Cayê Bîyayîşî: Mêrdîn Maye-Pî:  Ayhan – Arap Tarîx û Cayê Şehadetî: 16ê Teşrîna Peyêna 2022yî / Metîna

 

Milîtan Heqî

 

 

Nejwan Mêrdîn

 

Serxwebûn Baz

18ê teşrîna peyêne de Warê Xoverdayîşî Girê Cûdîyî de  pê çekanê giranan û taktîkê suîkastî çalakîyê cîya cîyayî ameyî kerdene. Nê çalakîyan de 3 leşkerê tirkî yê îşxalkerî ameyî cezakerdene û di mayinê ke dişmenî dormeyê mewzîyanê şerî yê Şehîd Yunusî de ca kerdîbî hetê hêzanê ma ra ameyî îmhakerdene. 19ê  teşrîna peyêne de zî Girê Cûdîyî de helîkopterê skorsky ame derbkerdene.

18ê teşrîna peyêne de warê Kilisî de îşxalkerî di hetan ra ameyî pirodayene. Pêrodayîşanê bitesîran ê hêzanê ma de 6 îşxalkerî ameyî cezakerdene û 3 îşxalkerî birîndar bîyî. Eynî roje Warê Xoverdayîşî Sîda de îşxalkerî ameyî derbkerdene û konvoyo ke  herêma Sîda ra şiyênî herêma Çemçoyî ame pirodayene.  Na çalakîye de wesayîtêko zirxin ame derbkerdene.

Artêşa tirke ya îşxalkere 18ê teşrîna peyêne de mewzîyê şerî yê Şehîd Felatî yê Warê Xoverdayîşî yê Sîda pê çekanê kîmyewîyan û bombayanê qedexeyan dayî bombayan ver. Reyna mewîyê şerî yê Girê Amedîyê, Girê FM, Girê Cûdî, Çemço, Sîda û erazîya Gundê Şêlazê yê Metîna û warê Sinînê yê Xakurkê pê teyarayanê şerî, obus, tanq û çekanê giranan dîyayî bombayan ver.''