Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye.

HPGyî vat Gerîlayê Azadîye yê Kurdîstanî bi taktîkanê afirnayoxan derbanê girdan danê artêşa tirke ro nê pare kerdî:

''Herêma Şehîd Delîlî ya Rojavanê Zapî;

30ê temmuze de Warê Xoverdayîşî yê Girê Cûdîyî de saetanê vera sibayî û serê sibayî de di rey îşxalkerî pê çekanê giranan ameyî pirodayene. Çalakîyan de îşxalkerêk ame cezakerdene û îşxalkerêk zî birîndar bi. Nê Çalakîyî hetê hêzanê ma yê YJA Starî ra ameyî kerdene. Saetanê cemê şanî de îşxalkerî reyna ameyî pirodayene, îşxalkerêk ame cezakerdene û di mewzîyî ameyî derbkerdene. Dima ra çalakîyanê hêzanê ma yê YJA Starî de îşxalkerêk ame cezakerdene û di mewzîyî ameyî derbkerdene.

Herêma Zapî;

30ê temmuze de Warê Xoverdayîşî yê Sîda de mezîya  îşxalkeran pê çekanê giranan ameye  pirodayene. Bi pirodayîşê biîsabetî mewzî û çeka  A4î bi temamî ameyî îmhakerdene û 3 îşxalkerê ke tede bî ameyî cezakerdene.  Na çalakîye hetê hêzanê ma yê YJA Starî ra ameye kerdene. 31ê temmuze de kepçeyê ke kerdenê ke mewzîyanê Sîda birijno pê çekanê giranan ame derbkerdene.

Herêma Metîna;

Artêşa tirke ya îşxalkere bi hemkarîya hêzanê PDKyî 29 û 30ê temmuze de Warê Xoverdayîşî yê Girê Ortê de vera hêzanê ma operasyon da destpêkerdene.  Îşxalkeranê ke waşt Warê Xoverdayîşî de xo ca bikerê 30ê temmuze de hetê hêzanê ma ra gerîyayî binê kongrolî û mewzîya koordîneyê operasyonî bitaybetî ameye hedefgirewtene û pirodayene. Tîya payeberzê ke operasyon koordîne kerdêne zî tede  2 îşxalkerî ameyî cezakerdene.  Bi hewayêkê hemwextî îşxalkerî pê çekanê otomatîkan û giranan ameyî pirodayene, çar îşxalkerî ameyî cezakerdene. Na çalakîye de bi temamî 6 îşxalkerî ameyî cezakerdene. Artêşa tirke bi paştdayîşê PDKyî meyîtê xo rayîrê erdî ra warî ra fînayî dûrî.

Hêrişê Artêşa Tirke;

30ê temmuz e de warê Gundê Meyrokê û Xêrê yê Garê 5 rey, warê Goşînê û Sinînê yê Xakurkê 4 rey pê teyarayanê şerî ameyî bombardumankerdene. Herême Zap, Metîna û Xakurkê bi desan rey dîyayî bombayan ver.''