Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê artêşa tirke eşkerayîye daye û nê pare kerdî:

''Çalakîyê bitesîrî yê hêzanê ma yê vera artêşa tirke bêmabên dewam kenê. Bi wesîleya serrgêra şehadetê hemraya ma Sema Yuce de çalakîyê bitesîrî ameyî kerdene. Çalakîyan de yewê înan payeberz 25 îşxalkerî ameyî cezakerdene û wesayîtêko zirxin û mobeseyêke ameyî îmhakerdene. Tunelê şerî û Warê Xoverdayîşî bi desan rey bi çekanê kîmyewîyan, teyarayan û helîkopteran ameyî bombardumankerdene. Detayê çalakîyan û hêrişan wina yê;

Xakurkê

Warê Xoverdayîşî yê Girê Karkerî de 14ê hezirane de çalakîya hêzanê ma yê YJA Starî de 2 îşxlakerî ameyî cezakerdene.

Avaşîn

Herêma Şûkê de wesayîtê zirxinî yê tîpê Amarokî yê îşxalkeran  bi taktîkê sabotajî ame pirodayene. Wesayît ame îmhakerdene û 5 îşxalkerê ke tede bî ameyî cezkaerdene.

Zap

Warê Xoverdayîşî yê Karkerî de 16ê hezîrane de helîkoptero ke ame hedefgirewtene û herême ra kewt dûrî. Çalakîyanê YJA Starî yê warê Karkerî de  4 îşxalkerî ameyî cezakerdene. Eynî roje îşxalkeranê ke Warê Xoverdayîşî yê Şehîd Şahînî de derbê giranî werdî gamêke peyser ancîyayî.

Metîna

Warê Xoverdayîşî yê Girê FMyî de 15 û 16ê hezîrane de çalakîyî ameyî kerdene.  Yewê înan payeberz  2 îşxlakerî ameyî cezakerdene û yew sîstemê kameraya mobese ame îmhakerdene. Warê Xoverdayîşî yê Girê Cûdîyî de 16ê hezîrane de pêkewtişanê mabanê hêzanê û îşxalkeran dewam kerd. Çalakîyê cîya cîyayî ke Girê Şehîd Şîlane û Girê Şehîd Çekdarî ameyî kerdene de pêro pîya 10 îşxalkerî ameyî cezakerdene. Roja bîne tîya reyna îşxalkerî ameyî pirodayene, 2 îşxlakerî ameyî cezakerdene.

Bombarduman

Artêşa tirke 15,16 û 17ê hezîrane de  reyna tunelê şerî yê Warê Xoverdayîşî yê Girê Hakarî, Werxelê,Şikefta Birîndara, Karker,Şehîd Şahîn, Şehîd Hewrê, Şehîd Akîfî pê çekanê kîmyewîyan û teqebaran û warê Werxelê, Çemço, Rênçbiraxa, Girê Ortê,Girê Cûdî, Karker,Neqeba Helgurt ,Girê FM, Girê Hakkarî, Werxelê, Şehîd Şahîn, Kurojahro û Çiyareşî pê teyarayanê şerî, helîkopteranê hêrişî û obusan dayî bombayan ver.''