HPG: 3 îşxalkarî ameyî kiştene
Gerîlayanê HPG’yî û YJA Starî Xakurke û Îdir de vera îşxalkaran çalakîyî viraştî. Netîceyê çalakîyan de 3 leşkerê Tirkî ameyî kiştene û 1 helîkotero tîpê Kobra ame derbkerdene.
Merkezê Çapemenî û Îrtîbatî yê HPG’yî derheqê çalakîyanê gerîla û hêrişê artêşa Tirkî de eşkerayîyêk daye û nê pare kerdî:
‘’Çarçeweya Hemleya Şorişgêre ya Serkewtişî ya ke Serhad de yena domanyene de 25’ê Gulane de Îdir de çalakîyêk ameye viraştene. Qilê Qereqolê Başaranî de mewzî û stargehê dişmenî bitesîr ameyî pirodayene. Çalakîye de 2 leşkerî ameyî kiştene.
Wareyê Pawitişî yê Medya de çarçeweya Hemleya Şorişgêre ya Şehîd Bager û Şehîde Ronya de çalakîyê hêzanê ma yê vera artêşa Tirkî dewam kenê.
25’ê Gulane de qirekê Elî Direjî yê herema Xakurke de îşxalkarî ameyî pirodayene. Çalakîya ke leşkeran ser o adir ame varnayene de leşkerêk ame kiştene û 2 leşkerî zî birîndar bîyî. Heman roje de kobrayêkê dişmenî Xakurke de bi hedefê hezanê ma. Kobara ke hîrê hetan ra ame panayene derb girewt û herême ra kewt dûrî.
Artêşa Tirkî ya îşxalkare wextêko Xîzanê Bedlîsî de Dola Axpîk de qereqolêk virazena. 20’ê Gulane de hêzane ma tîya çalakîyêk viraşte, dozêrek ame îmhakerdene.
25’ê Gulane de teyareyanê şerî yê artêşa Tirkî Xakurke ya Wareyê Pawitişî yê Medya de herêmê Faxir û Mislokê bombardûman kerdî. Nê hêrişan de vîndîbîyayeyê ma çîn ê.’’
