Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Hêzanê ma çerçewa Hemleya ''Dem Demê Azadîye yo'' de 13ê teşrîna verêne de  vera leşkeranê ke Qilê Helîkopterî yê warê Rubarokî yê Colemêgî ameybî cakerdene çalakîye kerde. Çalakîya verakerdişî ya ke dişmen di hetan ra ame pirodayene de 2 konteynir û 1 kamelya ameyî îmhakerdene û 3 îşxakerî ameyî cezakerdene. Qolê diyînî zî kozikê nîzamîye û mewzîya ci hedef girewtî û bi temamî îmha kerdî la hûmara leşkeranê ke tîya merdî zelal nêbîye.

Teyarayanê şerî yê dewleta tirke Herêmanê Pawitişî yê Medya ser o bombayî varnayî. Detayê hêrişan wina yê: 13ê teşrîna verêne de erazîya dewa Yekmalê ya bapesteya Metîna, 14ê aşme de dewê Şkeftîyan û Bilindabê yê pabesteyê warê Meyrokê yê herêma Garê û 15ê aşme de zî warê Sinînê yê herêma Xakurkê ameyî bombardumankerdene. Hêrişan de bax bexçeyanê şarê ma zirar dî, vînîbîyayeyê ma çîn ê.''