Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:

''Netîceyanê çalakîyanê hêzanê ma de 3 îşxalkerî ameyî cezakerdene. Artêşa tirke ya îşxalkere Warê Xoverdayîşî şeş reyî pê bombayanê qedexekerdeyan dayî bombayan ver. Îşxalkeran verê mewzîyanê Şehîd Felatî yê Warê Xoverdayîşî yê Sîda de lastîk û malzemeyê plastîkî vêşnayî û pê aspîratoran dûyê înan verda zereyê mewzîyanê ma.

Detayî wina yê:

Çarçewa Hemleya Şorişgêre ya Bazanê Zagrosan de herêma Zapî de;

14ê teşrîna peyêne de Warê Xoverdayîşî yê Şehîd Adilî de hêzanê ma da îşxalkeran ro û yew îşxalker ceza kerd.

14ê teşrîna peyêne de Warê Xoverdayîşî yê Çemçoyî de mewzîyanê Şehîd Serxwebûnî de tîmanê ma da îşxalkeran ro û 2 îşxalkerî ceza kerdî.

14ê teşrîna peyêne de Warê Xoverdayîşî yê Sîda de dormeyê mewzîyanê Şehîd Agirî de hêzanê ma îşxalkerî derb kerdî.

Hêrişê ke artêşa îşxalkere pê çekanê kîmyewîyan û bombayanê qedexekerdeyan kerdê:

14ê teşrîna peyêne de mewzîyê Şehîd Sîpanî, Şehîd Çekdar û Şehîd Yunusî yê Warê Xoverdayîşî yê Girê Amedîyê û Girê Cûdî dîyayî bombayan ver. 14ê teşrîna peyêne de îşxalkeran verê mewzîyanê Şehîd Felatî yê Warê Xoverdayîşî yê Sîda de lastîk û malzemeyê plastîkî vêşnayî û pê aspîratoran dûyê înan verda zereyê mewzîyanê ma.

Hêrişê bînî yê artêşa îşxalkere;

14ê teşrîna peyêne de warê Derîyê Hirçî, dewa Sêdarê û Dola Meranî yê Garê, Warê Xoverdayîşî yê Çemço, Girê Amedîyê, Şehîd Fedakar, Girê Cûdî, Girê FMyî dayî bombayan ver. Artêşa îşxalkere reyna kerd ke mewzîyanê Şehîd Serxwebûnî yê Çemçoyî pê kepçeyan birijna.''