Merkezê Îrtîbatî û Çapemenîye yê HPGyî derheqê hêrişê îşxalî û xoverdayîşê gerîlayan de eşkerayîye daye û nê pare kerdî:

 ''Têkoşînê  hêzanê ma bi ruhê mîlîtanî yê Apoyî vera artşa tirke ya îşxalkere bêmabên dewam keno.  Dewleta tirke ya îşxalkera ke Gerîlayanê Azadîye yê Kurdîstanî ra derbeyanê giranan wena, çeka kîmyewîye şuxulnena. Rixmê heme kayanê leyminan ê artêş tirke , çalakîyanê hêzanê ma de 3 îşxalkerî ameyî cezkakerdene û îşxalkerêk birîndar bi.

Detayê çalakîyan wina yê:

Zap

5ê gulane de dormeyê mewzîyanê şerî yê Girê Şehîd Harûnî yê Warê Xoverdayîşî yê Kurojahroyî de îşxalkerî hetê hêzanê ma ra ameyî pirodayene. Çalakîye de îşxalkerêk ame cezakerdene û îşxalkerêk zî birîndar bi. Eynî roje Girê Şehîd Armancî yê Warê Xoverdayîşî yê Çîyareşî de hêzanê ma çalakîya suîqestî kerde, 2 îşxalkerî ameyî cezakerdene. Reyna Warê Xoverdayîşî yê Şehîd Şahînî de zî îşxalkerî pê çekanê giranan ameyî pirodayene. 4ê gulane de 2 helîkopterê hêrişî ke serê waranê binê kontrolê PDKyî ra ameyî ke Warê Xoverdayîşî yê Kurojahroyî bombarduman bikerî hetê hêzanê ma ra ameyî hedefgirewtene û mecbûr mendî ke peyser agêrê. 5 gulane de mewzîyê şerî yê Şehîd Şahîn, Warê Xoverdayîşî yê Kurojahroyî û Girê Şehîd Cûdî û Girê Ortê yê Warê Xoverdayîşî yê  Karkerî pê madeyanê teqayîş û çekanê kîmyewîyan dîyayî bombayan ver.

Droneyê PDKyî ame wardayene

4ê gulane de baregehê PDKyî yê bajarekê Bakirmanî yê qezaya Akrê ra droneyêk şawiya serê nûtayanê gerîlayan ê Garê. No droneyo ke semedê keşîfê leşkerî ame şawitene hetê hêzanê ma ra ama wardayene.  Cayo ke drone dîya war 5ê gulane de hetê teyarayanê şerî yê artêşa tirke ra di rey bi hewayêkê giranî dîya bombayan ver ke wa drone bi temamî bêro îmhakerdene.

Bombarduman

Hêrişê artêşa tirke yê Vera Herêmanê Pawitişî yê Medya bêmabên dewam kenê. 5ê gulane de Derîyê Hirçi yê herêma Garê, warê Girê Cûdî yê herêma Zapî, Girê Şekîfî yê herêma Xakurkê, warê Werxelê yê herêma Avaşînî û warê Şehîd Şahîn, Kurojahro, Şehîd Harûn, Şehîd Cûdî, Şikefta Birîndara, Karker, Girê Cehenemî, Çîyareş û Çemçoyî yê herêma Zapî  bi helîkopteranê hêrişî, teyarayanê şerî û obusan bi desan rey ameyî bombardumankerdene.''