Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

“30ê teşrîna peyêne de hêzanêma Warê Xoverdayîşî yê Girê Amedîyê de hîrê hetan ra da îşxalkeran ro.  Hêzê ma dormeyê mewzîyanê şerî yê Şehîd Cesur, Şehîd Sîpan û Girê Şehîd Pîrodaxanî de şîyî îşxalkeran ser û derbeyê girdî dayê înan ro. Çalakîye de 5 îşxalkerî ameyî cezakerdene û di sîstemê kameraya mobese ameyî îmhakerdene.

 Medyaya şerê  taybetî ya dewleta tirka faşsîte pê xeberanê zûran vat têne yew leşker merdo la no raşt nîyo. Wa şarê ma goş medo propagandaya şerê leyminî ya dewleta tirke.

Eynî roje de Warê Xoverdayîşî yê Girê Şehîd Şahanî de konteynirêk ame derbkerdene. Warê Xoverdayîşî yê Girê Şehîde Axîne de zî hêzanê ma yê YJA Starî çalakîye kerde.

Artêşa tirke ya îşxalkere mabênê 29ê teşrîna peyêne û 1ê kanûne de mewzîyê şerî yê Warê Xoverdayîşî yê Girê Amediyê, Girê Şehîd Şahan, Çemço, Girê FMî pê obus, helîkopteranê hêrişî, tanq û çekanê giranan dayî bombayan ver.”