Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke yê ke 13ê êlule de ameyî kerdene de  eşkerayîye daye û nê vatî:

Çalakîyî

‘’ Dormeyê mewzîyanê şerî yê Şehîde Aryene yê Zapî de hêzanê ma yê YJA Starî pê çekanê giranan da îşxalkeran ro.Warê Şehîde Bêrîtne yê Xakurkê de hêzanê ma yê YJA Starî bi taktîkê çalakîyan sobatojî da artêşa tirke ro, 6 îşxalkerî ameyî cezakerdene. Warê Xoverdayîşî yê Girê Amedîyê de zî kameraya mobese hetê hêzanê ma yê YJA Starî ra ameye îmhakerdene. Warê Xoverdayîşî yê Girê Cûdîyî de zî îşxalkerî ameyî pirodayene, îşxalkerêk ame cezakerdene.

Bombarduman

Artêşa tirke ya îşxalkere  Warê Xoverdayîşî yê Girê Amedîyê, Çemço, Şikefta Birîndara, Şehîd Fedara, pê teqaber, çekan û bombayanê qedexeyan dayî bombayan ver.  Reyna Warê Xoverdayîş yê Sîda, Çemço, Girê Amedîyê,  Şîkefta Birîndara, Girê Cûdî û  Girê FMyî pê teyarayanê şerî û helîkopteranê hêrişî dîyayî bombayan ver.

Xeberê medyaya şerê taybetî raşt nîyê

Dewleta tirke ya îşxalkere operayono ke 14ê nîsane de dayo destpêkerdene de ser nêkewte û rixmê hêrişanê bêehleqan û qedexeyan hêzanê ma ra derbanê pîlan wena. La medyaya şerê taybetî bi xeberanê zûran şarî xapînena û kena ke MÎTî sey serkewteyî ramojno. Wina kena ke binkewtişê dewleta tirke binimno. Medyaya şerê taybetî îdîa kena  ke  di kesê bi nameyê Hatîp ê PKKyijî hetê MÎTî ra bi operasyonêkê tayberî Mexmûrî ra ameyî girewtene. Nê xeberî raşt nîyê. Nê wirdî kesî menga temmuze de sefanê ma ra remayî û teslîmê dewleta tirke bîyî.”